春城銅鍋米線

營業中

休息中

好耐冇去厚福街個頭，本身同朋友只係諗住買個蛋撻食，行吓行吓見到開左間米線，價錢相宜，個銅鍋米線又好特別咁，於是就入去試下🤣✨招牌海南胡椒豬肚雞米線：以為呢度淨係酸辣米線出名，估唔到佢個胡椒湯底都做得咁出色。湯底有好香濃既胡椒味，夠哂暖胃，食完個米線連啲湯都飲晒🤣✨招牌銅鍋酸酸辣辣豬扒米線：呢個絕對係舖頭嘅招牌特色，用銅窩裝住米線，配料有酸菜、芽菜、肉碎，腐皮、木耳絲，辣度雖然揀左小辣，入口個陣覺得唔辣，隔幾秒慢慢feel到又麻又辣🤣好過癮。豬扒炸得香口，而且肉質唔會炸到乾左，咬落仲係好juicy😋✨炸脆脆蝦膠豆卜：見到餐牌既相見到賣相好吸引，果然冇令人失望。原來炸過嘅豆卜可以咁鬆化香脆，而且完全唔會油膩。個蝦餃餡都好足料，口感彈牙。