五武士 (已結業)

悶悶哋同朋友去 K11 行街，行完之後就發掘有咩好嘢食，原來真係仲有好多間餐廳未食過，如果要逐一試都有排試，今日大家有興緻，想搵間有海景嘅日本餐廳念杯清酒吹吓水，於是就揀咗呢間五武士，裝修設計都幾靚嘅，不過你話好多打卡位又唔算，係有一幅好大幅嘅武士璧畫幾搶眼，當然最吸引嘅係佢嘅海景啦。今次我哋叫咗海膽蟹肉三文魚籽釜鍋飯（$568）海膽鮮味而且份量都算幾足可以兩個人食都夠，另外又叫咗串燒白鱔（$98）好肥美多汁，另外又叫咗鹽燒雞腳筋（$38）同埋兩份免治雞肉棒厄日本初生蛋（$78），見個個都有叫嘅招牌菜，成晚氣氛好好，值得推介。