醉胡爐 (已搬遷) 新店位置

開始有D秋天嘅感覺，又係打邊爐嘅好季節。數精品火鍋，醉胡爐都係我頭一二位。宜家佢哋仲間多咗房仔，四個人都可以係房入面有啲privacy。 今次點咗期間限定嘅胡爐醉八仙，鍋底有八款海鮮：青龍蝦、鮑魚、花膠、魚翅、花枝、青口、花螺、卜卜蜆。首先會倒酒炒香令鍋底，充滿濃郁酒味，之後點火燒亁酒精，再加入龍蝦高湯去煮。呢啲咁正嘅湯底梗係要即刻飲返幾碗喇。泰式無骨鳳爪未打邊爐之前，呢個小食係我最愛之一，佢哋調味唔會太酸，又辣又醒胃。極上本地騸牯牛頸脊愛牛之人一定要試吓，新鮮手切，肉味十足，而且仲香噴噴。係越𡁻越出味嘅牛肉。餃子拼盤有XO鮑魚蝦餃王、黑松露蟹肉餃、自家製韮菜餃、手工雲吞、自製芫荽餃。粒粒都新鮮，味道突出。即炸紫菜響鈴呢個一定要點，即點即炸。上枱時仲係熱辣辣，可以直接食又得，浸湯三秒食又得。