茶點點心專門店 (已結業)

覺得這類點心店的生存空間應該幾大!因為不再局限要早、午市上茶樓,方便了幾時想食就有得食的心態,也解決了一個人去茶樓飲茶總有點戇居居的感覺.鳳爪排骨飯----最先上桌,不明白將幾條凍冰冰的菜芯,放在熱的飯上面用意何在?飯本身是做得幾好!飯粒分明、唔會太多水份,排骨醃得入味有蒜蓉香.义燒腸粉----即叫即拉,腸粉皮厚薄適中,食落感覺不是很滑溜那種,而是有一點的韌度,頗意外!外皮精彩可惜餡料不配合!义燒又硬又瘦食到成口渣!而且一點莞茜味道也沒有.蝦餃----外觀不俗,皮不算太薄但亦可隱約見到裡面的餡料,不會用筷子一夾就立即解體.不過亦都是餡料出事!入口時已發覺味道接近變壞.蝦肉不爽及黏埋一舊!鮑魚燒賣----賣相睇落已經唔惦!面頭嗰粒嘢好腥!底下是一舊有筋咬唔開切粒粒的肥豬肉加霉嘅蝦!而且調味非常重手.很老實又未至於差到喊＇不過距離都不太遠！