影片
更多
2019-01-28
730 瀏覽
成日都有機會出差嘅我，好少喺香港特登食水煮魚啊，麻辣啊呢啲菜色，總係覺得喺大陸食反而又唔貴又好味又正宗，之前有朋友約食飯你去四姐，點知嗰日唔舒服冇去到，啲人突然間心血來潮好想食水煮嘅菜式，兩個樣就中左去四姐。其實兩個人根本就唔應該去四姐，因為佢啲菜式太豐富同埋太大碟，人頭三百幾蚊一個人，你話佢貴又得，你話佢抵有得，我自己就覺得佢絕對超值，開開心心食一餐，食唔晒就打包返屋企繼續食。一坐低打開張餐單，就決定要食佢嘅招牌涼面，朋友上次食過，念念不忘，涼面最緊要夠凍，夠爽口，醬汁夠辣得黎夠輕身，小小酸多多辣，一啖接一啖，完全停唔到口。另外叫咗個涼菜口水雞，雞肉夠嫩，口水雞嘅辣汁做得啱啱好，咁不過佢嘅風頭已經比涼面搶過咗。水煮魚，平時唔鍾意食魚嘅我今日都食咗好多，因為佢係用龍利，食落啖啖肉冇腥味，湯汁夠多，佢唔算太麻，但係真係好香，喺煲底嘅薯粉同埋大豆芽食到我哋好開心，又係腸過左另外一個主菜嘅風頭。我叫咗酸菜牛肉，原本我唔知道佢係一個湯，但係咁仲好，因為需要唔辣嘅湯，中和下全部都係辣嘅菜式，牛肉夠嫩滑，酸菜夠酸同埋爽口，大大塊，好好味。最後一個主菜叫咗萵筍炒鴨，飽到完全食唔落，成為咗第二日屋企嘅
其實兩個人根本就唔應該去四姐，因為佢啲菜式太豐富同埋太大碟，人頭三百幾蚊一個人，你話佢貴又得，你話佢抵有得，我自己就覺得佢絕對超值，開開心心食一餐，食唔晒就打包返屋企繼續食。
一坐低打開張餐單，就決定要食佢嘅招牌涼面，朋友上次食過，念念不忘，涼面最緊要夠凍，夠爽口，醬汁夠辣得黎夠輕身，小小酸多多辣，一啖接一啖，完全停唔到口。另外叫咗個涼菜口水雞，雞肉夠嫩，口水雞嘅辣汁做得啱啱好，咁不過佢嘅風頭已經比涼面搶過咗。
水煮魚，平時唔鍾意食魚嘅我今日都食咗好多，因為佢係用龍利，食落啖啖肉冇腥味，湯汁夠多，佢唔算太麻，但係真係好香，喺煲底嘅薯粉同埋大豆芽食到我哋好開心，又係腸過左另外一個主菜嘅風頭。我叫咗酸菜牛肉，原本我唔知道佢係一個湯，但係咁仲好，因為需要唔辣嘅湯，中和下全部都係辣嘅菜式，牛肉夠嫩滑，酸菜夠酸同埋爽口，大大塊，好好味。最後一個主菜叫咗萵筍炒鴨，飽到完全食唔落，成為咗第二日屋企嘅主菜，鴨件唔油，萵筍鮮甜爽口，完全冇諗過可以有咁樣嘅組合。
仲有一碟炒得好好味嘅新鮮蔬菜！
簡單啲講，好抵又好味。
張貼
