埠 (已結業)

平時好少黎呢頭，今日朋友帶我黎依間餐廳食宵夜～我地叫咗幾串小食，幾乎所有牛肉都十分好食！我地分別叫咗牛舌，美國牛肉，安格斯牛柳同A4和牛。其中既A4和牛真係入口即溶，牛香味非常重！而其餘三種牛肉雖然無咁高級，但同樣好有水準，完全唔韌，全部牛肉串都系必試！至於燒大蝦就不過不失，我覺得牛肉好食d～另外我地都叫咗鍋燒烏冬，上枱時熱辣辣有火熱住，麵條好滑又有麵粉香味，都幾好味架。至於有綠色菜響上面鋪住既系紫蘇雞腿肉，調味酸酸甜甜，雞肉多汁，值得一試。最後，用來點肉既鹽同樣一d都唔hea，侍應話系特制既海藻鹽，可以帶出肉既鮮味！下次黎開呢頭。都會繼續支持有誠意既小店！