雞駅花膠雞米線專門店

營業中

休息中

肥妹仔鍾意飲飲食食就係人都知，今日同肥媽去咗觀塘駱駝漆大廈入邊食一間新開嘅雞湯米線。姫松茸竹笙花膠雞飯 $86姬松茸同竹笙係吸湯嘅良品，每食一啖就好似飲一啖雞湯落口。個雞湯好濃雞味，而雞件有雞胸肉同滑雞。雖然係雞胸肉，但係一啲都唔柴，好好食。藥膳黃酒花膠雞米線 $76肥媽飲咗一啖湯，非常之鍾意，覺得驚喜到不得了。雞湯有好濃嘅當歸同埋米酒香，同姫松茸果隻湯底一啲都唔同。而呢一碗雞米線呢就比較多滑雞，肥妹仔食到好開心。金磚豆腐 $42個炸豆腐炸到外脆內嫩，豆腐好滑，肥妹仔覺得如果佢可以落多啲椒鹽仲加好食咋。