泰斗 (中達大廈)

營業中

休息中

朋友介紹，今日黎到位置尖沙咀九龍公園附近既泰斗。今日不冷不熱，涼涼地，原本打算坐出外面享受埋翠綠既樹景，點知最後一張檯都俾人Reserved埋，唯有坐返去入面。哩一道青木瓜蝦沙律係我食過最好食，佢整體味道很濃郁，唔會覺得沙律汁俾水溝稀了，應該有事前鯨乾d 木瓜同蘿蔔絲，製作比較用心， 因此味道比較酸辣同入味，但配上奶香的鮮蝦，便可以稍為中和一下辣味。椰汁雞湯實際上唔淨止係雞湯，佢係椰汁味既冬陰公湯，無平時既咁酸辣，但味道卻更多元化，更加適合香港人口味，濃濃的椰香配上茹類與雞肉，帶出湯既鮮甜，加上芫茜香味，非常可口!哩一道香草雞翼係用煎炸的，並且中間切開一半，變成條狀，每塊雞翼都只有一條骨，味道雖比起其他菜式就比較普通，但食起黎就好方便。哩一度係金不換辣椒膏炒花甲，味道出奇的搭配，金不換很能帶出花甲既鮮甜，令人surprised!哩一道係四季豆炒咸腩肉，比較家鄉菜FEEL D ，腩肉很香咸，據我所知，D 咸腩肉製作需時兼煩，唔係度度有得食，一碟都可以'送'成碗飯，真係會食過返尋味。腩肉點辣椒汁更顯另一番風味，係經理推介的。