影片
更多
2017-11-17
66 瀏覽
今日喺銅鑼灣行街行到差唔多時間，就要搵餐廳醫下個肚啦！經過呢間餐廳嘅時候見到門口掛住好多旗，入邊嘅燈光暗暗地，好多都係高枱，好有氣氛就入去試吓啦！前菜盛合 (6點)首先我哋叫咗一個前菜，一共有六小碟，包括有甜蛋、魷魚、明太子同埋雜菌等。最中間嗰個係鰻魚、芝士同埋青瓜。之前未食過呢個配搭，點都諗唔到會將呢三樣嘢擺埋一齊，但食落又幾好食喎。另外值得一提嘅就係最下面嘅蒜頭，平時都唔係咁鍾意食一啲蒜或者姜嘅食物。但係呢一個蒜頭佢淹左，食落好似橋頭咁爽口，但係有少少辣同埋酸，食完個口無臭味，又幾好食喎！一改我對蒜頭嘅抗拒。宮崎煙肉凱撒沙律伴黑松露沙律醬個人都好鍾意食黑松露，之前多數係叫黑松露薯條多，黑松露凱撒沙律都係第一次食！黑松露沙律醬唔會太重嘅黑松露味，但係又不失佢嘅香！沙律菜上面有一隻溫泉蛋，一切開佢啲蛋黃流晒出嚟！將流流地嘅蛋白同埋蛋黃撈埋沙律食，有啲limlim地。好鍾意食呢一個沙律，因為個黑松露味幾香，好味！魔鬼火焰原隻雞腿燒雞腿上枱嘅時候有一個蓋蓋住，嚟到先至打開。職員首先將酒倒落去側邊，再用火槍燒啲酒。你跟住就會見到好大團火着起上嚟，好似表演魔術咁！哈哈雖然係話雞腿，但係望落去好
前菜盛合 (6點)
首先我哋叫咗一個前菜，一共有六小碟，包括有甜蛋、魷魚、明太子同埋雜菌等。最中間嗰個係鰻魚、芝士同埋青瓜。之前未食過呢個配搭，點都諗唔到會將呢三樣嘢擺埋一齊，但食落又幾好食喎。
另外值得一提嘅就係最下面嘅蒜頭，平時都唔係咁鍾意食一啲蒜或者姜嘅食物。但係呢一個蒜頭佢淹左，食落好似橋頭咁爽口，但係有少少辣同埋酸，食完個口無臭味，又幾好食喎！一改我對蒜頭嘅抗拒。
宮崎煙肉凱撒沙律伴黑松露沙律醬
個人都好鍾意食黑松露，之前多數係叫黑松露薯條多，黑松露凱撒沙律都係第一次食！
黑松露沙律醬唔會太重嘅黑松露味，但係又不失佢嘅香！沙律菜上面有一隻溫泉蛋，一切開佢啲蛋黃流晒出嚟！將流流地嘅蛋白同埋蛋黃撈埋沙律食，有啲limlim地。好鍾意食呢一個沙律，因為個黑松露味幾香，好味！
魔鬼火焰原隻雞腿
燒雞腿上枱嘅時候有一個蓋蓋住，嚟到先至打開。職員首先將酒倒落去側邊，再用火槍燒啲酒。你跟住就會見到好大團火着起上嚟，好似表演魔術咁！哈哈
雖然係話雞腿，但係望落去好似有成隻雞咁多，好香口好嫩滑！
除此之外，仲會有啲椰菜喺度，唔會淨係食肉咁膩。雞腿上面有好多嘅辣粉，隻味唔知點解好似明太子。
即燒!鹿兒島霜降A4和牛西冷扒 100g
燒之前職員會俾塊和牛你睇吓先，然後再將佢拎入去比廚師燒。
望見都吸引！和牛既雪花分布得好靚，望住生嘅和牛都已經流晒口水！
終於燒熟左啦！我估呢度係大約五成熟，外邊已經燒到少少香脆，入邊嘅肉生生地，超級嫩滑，好用牛嘅味道！面頭少少脆蒜片。食時點小小鹽同埋夾住啲蒜片食，好好味！個人覺得點少少鹽就夠，更能帶出牛既味道！
明太子芝士椰菜燒餅
呢一個燒餅有別於我哋見開日本嘅圓形燒餅，佢係長方形分咗兩隻醬料，顏色唔錯。望落去都靚。
左手邊嗰個係明太子沙律醬，右手邊果個係章魚燒嗰啲燒汁。個人較為鍾意食沙律醬，因為酸酸地，有一粒粒既明太子，入邊嘅係野菜同芝士，芝士好多用，有拉絲效果！
燒日本甜薯配抹茶雪糕
呢個甜品分咗三層，最面係抹茶雪糕，中間係番薯乾，而最低係蕃薯蓉。
抹茶雪糕好濃滑，較奶。而最抵嘅甜薯蓉都有好清新嘅甜味，唔算太甜，一次過有三種嘅口感。
最後飲返兩杯嘢飲就完美喇！
其中一杯係oreo沙冰。另外一杯就係梅酒。有啲搞笑就係梅酒平時係會配酸梅，但係一個就擺咗兩塊士多啤梨係面😂😂
凍凍地，爽呀。
日式餐廳嘅食物你唔會陌生，例如燒餅、抹茶雪糕，但喺呢度嘅做法有佢哋嘅特色，會用唔同嘅方式向食客展示出嚟，例如用即燒既方法上雞髀，令到食物有新鮮感。下次來銅鑼灣嘅時候都會諗起呢度再嚟食過
張貼
