影片
更多
2012-05-08
8 瀏覽
上網見倒openrice「十大好評升幅」排行榜中，「舞心拉麵」新開冇耐即成為榜首，所以就約埋朋友六點鐘去試食，希望早D食，條隊唔會太長。我地喺羅素街穿過橫巷入登龍街，驚見人龍；唔知好彩定唔好彩啦，去到「舞心拉麵」門口先知道橫巷條隊原來係等緊入對面間「豚王」。友人同小肥見倒半滿座o既「舞心拉麵」，大家都有好多問號。如果口碑咁好，間拉麵店又係明星新開，應該已經夠哂號召力，再加上「豚王」條隊咁長，點都會有D客人轉軚過黎試下新餐廳架？！為何會咁吉呢？！「舞心拉麵」店中，喺樓面工作o既，全部都係化行妝o既姐姐仔，真係幾養眼。不過，可惜帶位小姐，落單小姐，傳餸小姐，以及收銀小姐，全組人員態度高傲，樣子極不耐煩，食客見倒，心情都會變差，服務分理所當然地大打折扣。 （白）原味豬骨湯拉麵（$78）：豬骨湯底唔夠熱，影相都唔洗就住D煙；湯味唔夠濃郁，未如廣告及報導中所講咁有火候，不過勝在XO仔食完唔口乾，亦冇出現敏感症狀，估計應該冇落味精。五花腩叉燒肥瘦適中，切得夠薄，只可惜質感偏硬同嚡，差咁啲啲。半流心o既半熟蛋，如其他食評所言，好有蛋味，美味可口，每碗有半隻，份量最啱我地膽固醇偏高o既人。可能係希望不
友人同小肥見倒半滿座o既「舞心拉麵」，大家都有好多問號。如果口碑咁好，間拉麵店又係明星新開，應該已經夠哂號召力，再加上「豚王」條隊咁長，點都會有D客人轉軚過黎試下新餐廳架？！為何會咁吉呢？！「舞心拉麵」店中，喺樓面工作o既，全部都係化行妝o既姐姐仔，真係幾養眼。不過，可惜帶位小姐，落單小姐，傳餸小姐，以及收銀小姐，全組人員態度高傲，樣子極不耐煩，食客見倒，心情都會變差，服務分理所當然地大打折扣。
（白）原味豬骨湯拉麵（$78）：豬骨湯底唔夠熱，影相都唔洗就住D煙；湯味唔夠濃郁，未如廣告及報導中所講咁有火候，不過勝在XO仔食完唔口乾，亦冇出現敏感症狀，估計應該冇落味精。五花腩叉燒肥瘦適中，切得夠薄，只可惜質感偏硬同嚡，差咁啲啲。半流心o既半熟蛋，如其他食評所言，好有蛋味，美味可口，每碗有半隻，份量最啱我地膽固醇偏高o既人。可能係希望不大，所以反而有驚喜；大部分食評都覺得唔掂o既硬拉麵，小肥覺得麵條彈牙兼唔粉，係小弟幫襯過咁多間拉麵舖最正o既一家！心諗，莫非拉麵店睇左openrice食評們o既意見後作出左調整？成功挽回不少味道分！碗中其他配料如木耳，蔥等都係爽口食品，所以同拉麵一齊食，整體口感特別覺得爽脆。
飛翼餃子（$32）: 問題一，賣相唔吸引，不過一早預左。問題二，同拉麵一樣，唔夠熱！問題三，餃子煎得唔夠香脆。好在餃子皮夠薄，個餡都算好味，而且食落唔會成口油，唔係真係要嚴重扣分。同友人食完都唔係好明點解餸名要用「飛翼」…
$78一碗拉麵，對我地依D最低工資人士其實算幾貴；好彩屋企唔洗我交租，唔係都未必食得起。不過，正如食評們所講，「舞心」都算有良心，每碗入面都有半隻蛋，比起其他拉麵店已經叫做比較飽肚。雖然「舞心」有良心，不過服務生就唔係好上心啦，誠意欠奉囉！張貼
