Ikigai Concepts (已結業)

最近真係好想食日本刺身，又咁啱俾我喺網上見到呢間日本風格嘅餐廳，成個餐廳嘅設計真係好日本，好獨特，空間環境好大，設計方面非常之有心思，連位置方面都非常闊落，令人坐得好安心。試咗佢哋嘅午市，特上海鮮丼套餐，大約有10款嘅刺身，件件都非常新鮮，刺身到好厚身，再加上呢個價錢居然有埋鮑魚，海膽，帶子等， 配埋味增湯，茶碗蒸，沙津，CP值十分高！餐廳員工好貼心地介紹，如果食刺身時想飲清酒作為配搭，餐廳更會有自助清酒機，有成30款不同特色嘅日本清酒，好適合我，最中意清酒！