影片
更多
2022-11-12
92 瀏覽
今次介紹位於銅鑼灣嘅樓上《凡高廚房》，未入到餐廳好遠已經聽到鸚鵡仔，門口有幾隻鸚鵡仔可以餵食。睇餐廳名凡高廚房就知同藝術家梵高有關。一入到門口會見到一大張桌球枱，左邊牆上面掛住梵高嘅名畫，而右邊就會見到一個大韆鞦，周圍都係打卡位。今次就叫左兩款dinner set，晚餐會跟前菜同埋是日餐湯。前菜叫左蟹肉田園沙律，滿滿嘅蟹肉加上新鮮嘅蔬菜，好清新又開胃。是日餐湯就係俄羅斯雜菜湯，另外可以加$38換成98%野菌忌廉湯，用左多款野菌製成，野菌味好濃郁，口感比較糊狀，食到野菌粒。之後仲會送上餐包，可以塗上牛油食用。主菜意式馬賽海鮮飯有大蝦、帶子、青口煮成嘅黃金色海鮮飯，除左海鮮新鮮之外，意大利飯粒粒粒都煙煙韌韌，加埋個海鮮汁成個飯好鮮甜。炭燒美國Prime護心肉牛柳，刺身帶子伴法國黃菌初榨山茶油炭燒嘅護心肉牛柳外層有微微焦香味，內層仲係粉紅色，食落肉味好濃，肉質軟唸，脂肪相對比較均勻。加上刺身帶子，味道好鮮甜。甜品就叫咗焦糖燉蛋，上面放咗無花果同埋士多啤梨做裝飾。燉蛋上面嘅焦糖用左火槍炙過，燉蛋內層就好creamy, 口感豐富。如果唔想錯過其他好介紹，記得follow我呀😘多謝大家！！！
今次就叫左兩款dinner set，晚餐會跟前菜同埋是日餐湯。
前菜叫左蟹肉田園沙律，滿滿嘅蟹肉加上新鮮嘅蔬菜，好清新又開胃。
是日餐湯就係俄羅斯雜菜湯，另外可以加$38換成98%野菌忌廉湯，用左多款野菌製成，野菌味好濃郁，口感比較糊狀，食到野菌粒。
之後仲會送上餐包，可以塗上牛油食用。
主菜
意式馬賽海鮮飯
有大蝦、帶子、青口煮成嘅黃金色海鮮飯，除左海鮮新鮮之外，意大利飯粒粒粒都煙煙韌韌，加埋個海鮮汁成個飯好鮮甜。
炭燒美國Prime護心肉牛柳，刺身帶子伴法國黃菌初榨山茶油
炭燒嘅護心肉牛柳外層有微微焦香味，內層仲係粉紅色，食落肉味好濃，肉質軟唸，脂肪相對比較均勻。加上刺身帶子，味道好鮮甜。
甜品就叫咗焦糖燉蛋，上面放咗無花果同埋士多啤梨做裝飾。燉蛋上面嘅焦糖用左火槍炙過，燉蛋內層就好creamy, 口感豐富。
如果唔想錯過其他好介紹，記得follow我呀😘
多謝大家！！！
張貼
