響 - Hibiki 日本燒肉 (已結業)

屋企人對食物有唔同喜好，阿媽鍾意放題，特別係生冷刺身，家姐就鍾意熱辣辣嘅火鍋、烤肉。今晚去佐敦嘅響-Hibiki日本燒肉，一次過滿足佢哋兩個願望😋😋😋任食時間有2個半鐘，比一般放題餐廳耐。餐廳有個角落提供清酒、梅酒、柚子酒，都係任飲呢！一坐低就送上刺身拼盤、燒肉拼盤同海鮮拼盤，可以食咗1round先再追加鍾意嘅食物。刺身拼盤有三文魚、甜蝦、帶子、海膽、八爪魚、吞拿魚、油甘魚，超新鮮阿，特別係海膽，好鮮甜呢😍😍😍一邊食刺身一邊烤燒肉。燒肉拼盤有2盤，一盤係雞翼、骨付雞肉腸、七味豚拖羅。另一盤係我至愛嘅高質牛肉同豚肉，有澳洲和牛胸腹、和牛肉眼、和牛西冷、牛肋骨、米澤三元豚西冷。單睇相就知係好野，牛肉脂肪分佈均勻，肉味濃郁。👍👍👍唔好唔記得個海鲜拼盤，鮑魚、一夜干喜之次、大蝦、海螺洒上清酒燒，唔會乾，有酒香，肉質爽甜，美味😍😍燒烤完都飽咗8成，再order天婦羅、燒物就差唔多。天婦羅炸得好乾爽、脆卜卜，唔會油淋淋。不得不提"賣飛佛"榴槤波波,外脆內軟仲流心㖭,我哋encore咗2次！😋😋😋最後食埋雪糕，雪糕都高質，係Movenpick, 特別推薦咖啡味，啖啖咖啡香，超like👍👍👍