Day and Nite by Master Kama (已結業)

因為屋企隻 mouse 壞咗，所以俾個藉口自己出旺角買嘢。可能佢担心我啦~ 所以專登準時收工陪我多 d，順便食埋飯至返屋企。可能來的時間尚早，唔算好多人，而且地方很企理，於是選咗個二人位靜靜的坐下。我們點了餐之後，一邊談天一邊喝著 伯爵茶 和 熱檸茶。法式干邑龍蝦湯以忌廉寫上 Master Kama，而中間有個龍蝦鉗，設計很有心思。把忌廉撈勻，不但飲得到濃濃的龍蝦香，而且增添了幼滑。另外配有一條長長的麵包條，非常脆口。馬糞海膽茶漬飯之前有食過這個茶漬飯，老公都大讚好味，所以今次再來也要 encore。馬糞海膽鋪滿成個飯面，中間仲有一 pat 魚子，食落又滑又香海咸味，充滿整個口腔。另外用茶把飯弄濕再食，飯味格外清新。鮮茄虎蝦扁意粉意粉汁很有誠意，不是現成的茄汁搆出來，而是夾雜著鮮茄肉。把所有配料撈埋一齊放入口，啖啖肉得來又酸味味，非常開胃。