影片
更多
2013-06-20
35 瀏覽
今日去左apm見客，問佢想食d咩，佢竟然第一時間推薦「一杯」，於是我就試左佢既lunch set喇。佢有幾款揀既，價錢有平有貴，我個客揀左個set有刺身飯同烏冬，仲有埋個前菜，一睇上去色彩繽紛，已經好想食，佢d食物樣樣都好精美，忍唔住一定要影相。個前菜冇咩味，如果浸得入味d好d。而刺身好新鮮，撈入飯一齊食就好有口感，有三文魚、吞拿魚、青瓜同埋d魚籽，一口咬落去已經有幾重鮮味，男人食完都好飽，如果係我一個人食，我諗可能食唔哂。而我就叫左豚肉燒定食，我地咁岩坐左鐵板燒位置，睇住d師傅整鐵板燒。佢地三兩下手勢就整好喇，好熟練。佢地d工作分配得好有條理，一邊有客落單，一邊就有員工執好d材料俾師傅整鐵板燒。佢地好快就炒好個豚肉燒定食俾我。有面豉湯、前菜、豚肉燒、芽菜同野菌，岩岩燒完豚肉好熱辣辣，放入口內好香口，一淡一口飯+豚肉+芽菜，岩岩好。個面豉湯有好多材料，唔會好似其他有時一d唔好既淨係得個湯，而且佢都唔會好稀，所以我好鍾意。我地食完都唔會好貴，都係around $200 for 2個人，其他餐廳食得好少少都要呢個價錢。
而我就叫左豚肉燒定食，我地咁岩坐左鐵板燒位置，睇住d師傅整鐵板燒。佢地三兩下手勢就整好喇，好熟練。佢地d工作分配得好有條理，一邊有客落單，一邊就有員工執好d材料俾師傅整鐵板燒。佢地好快就炒好個豚肉燒定食俾我。有面豉湯、前菜、豚肉燒、芽菜同野菌，岩岩燒完豚肉好熱辣辣，放入口內好香口，一淡一口飯+豚肉+芽菜，岩岩好。個面豉湯有好多材料，唔會好似其他有時一d唔好既淨係得個湯，而且佢都唔會好稀，所以我好鍾意。
我地食完都唔會好貴，都係around $200 for 2個人，其他餐廳食得好少少都要呢個價錢。
張貼
