蒙麵

營業中

休息中

位於紅磡內街，有性格既小店，由大學時期已經好出名，紅磚大學既人一定聽過😝1️⃣三餸車仔麵🔹 自選餸菜🔹今次叫左2碗分別試左豬紅，蘿蔔，豬腸，花甲，辣魷魚同🔹必推花甲，份量足，都有成廿幾隻，味道清甜，唔係渣流攤既料😆🔹湯底推介蕃茄薯仔湯，足料到飲埋都得☺️2️⃣招牌蜜汁叉燒串🔹即叫即整🔹熱辣辣食非常惹味味道：⭐️⭐️⭐️⭐️⭐️/5一直覺得車仔麵界黎講，蒙麵啲餸應該係數一數二🧐雖然好多餸其他鋪頭都有，但蒙麵啲餸就係好食啲。豬紅無腥味，夠實淨；辣味魷魚個辣汁勁正，又夠爽口；花甲就更加高汁..招牌叉燒串即叫即燒，燒到有少少焦香，肥瘦適中🤤飲品就無咩特別，都係啲大路野價錢：⭐️⭐️/5車仔麵黎講，蒙麵應該都係數一數二咁貴🤣大家預當食一餐拉麵咁上下既價錢～但係如果以車仔麵黎講絕對係偏貴既～交通：⭐️⭐️/5 位置其實係紅磡站同黃埔站中間，紅磡街市對面，所以搭地鐵黎都要行10-15分鐘，反而巴士可能會比較方便。揸車反就唔太建議，因為啲街都比較窄無咩位泊車環境：⭐️⭐️/5成間鋪最多都係坐10-12個，座位都算逼逼地，同唔好諗坐得耐慢慢嘆，都係食完就快快趣要走性價比：⭐️⭐️⭐️/5貴價車仔麵，但價錢對得住質素，隔唔時食下都幾好🤪