影片
更多
2010-10-10
42 瀏覽
昨日師傅同好友食家"乜都放入窿"浦開老銅, 而好友食家"乜都放入窿"就話帶師傅去食漢堡包, 師傅當然冇問題啦, 問都唔問一味死跟, 終於去到呢間餐廳叫做Absolute Burger, 正當準備坐底, 個伙計就問食野定飲野? 好友食家"乜都放入窿"就話食野先, 點知個伙計話食野可以幫你地叫外賣, 好友食家"乜都放入窿"即時O晒咀, 皆因諗住黎食漢堡包, 而家竟然冇得食, 於是即閃!好友食家"乜都放入窿"對老銅始終比師傅熟, 加上老銅選擇多的是, 於是就帶師傅去另一間漢堡包店! 呢間漢堡包店師傅就從來未黎過, 但原來連好友食家"乜都放入窿"都未黎過, 咁就好喇又可以一齊試新野! 於是入到食店就搵個位坐底, 店內地方唔算大, 幸好亦有枱, 唔需要等位! 坐底後第一時間望下有咩想食, 見到隔離食緊嘅已經好吸引, 最後同好友食家"乜都放入窿"商量後決定每人要一個包再加多一客小食, 由於師傅鍾意食辣, 所以一見到辣味牛肉漢堡就諗都唔諗喇, 至於好友食家"乜都放入窿"就要左鮮磨菇牛肉漢堡, 而小食就揀左炸魚塊薯條! 於是好友食家"乜都放入窿"就行去counter買, 落完單後又吹下水, 等左大約五
好友食家"乜都放入窿"對老銅始終比師傅熟, 加上老銅選擇多的是, 於是就帶師傅去另一間漢堡包店! 呢間漢堡包店師傅就從來未黎過, 但原來連好友食家"乜都放入窿"都未黎過, 咁就好喇又可以一齊試新野! 於是入到食店就搵個位坐底, 店內地方唔算大, 幸好亦有枱, 唔需要等位!
坐底後第一時間望下有咩想食, 見到隔離食緊嘅已經好吸引, 最後同好友食家"乜都放入窿"商量後決定每人要一個包再加多一客小食, 由於師傅鍾意食辣, 所以一見到辣味牛肉漢堡就諗都唔諗喇, 至於好友食家"乜都放入窿"就要左鮮磨菇牛肉漢堡, 而小食就揀左炸魚塊薯條! 於是好友食家"乜都放入窿"就行去counter買, 落完單後又吹下水, 等左大約五至八分鐘, 每樣食物分別陸續咁送上餐枱, 唔使自己去攞已經是一種享受!
師傅第一眼見到個辣味牛肉漢堡就諗到底點樣食好呢? 皆因個包好大個, 牛肉漢堡同蕃茄都好厚身,所以就算師傅個口再大都冇可能一口咬到成個包, 正當猶豫之際師傅決定先試個炸魚塊薯條, 炸魚塊嘅炸粉有別於一般的, 炸出黎後唔算係脆卜卜嗰種, 不過亦十分可口, 皆因炸完後魚塊仍然鬆軟, 一d都唔乾唔硬, 再配上他他醬就份外惹味, 真係不吃不可; 而炸薯條嘅薯味好香, 炸得脫但唔硬, 師傅十分欣賞, 呢炸魚塊薯條絕對係師傅嘅必食推介!
雖然辣味牛肉漢堡點咁大個攪到師傅唔知點食好, 但始終都要食便硬著頭皮一試啦, 師傅自問個口都唔細, 但好明顯係冇可能一啖咬開成個漢堡時, 於是決定分兩層黎食, 先試上層就係厚厚的牛肉漢堡, 一放入口不得了, 包身熱辣辣之餘亦十分鬆軟, 而牛肉漢堡十分之鬆香, 仲要辣辣地, 真的非常惹味; 試完上層就急不及待再試下層, 下層係厚厚嘅蕃茄加生菜, 蕃茄鮮甜多汁, 邊吃d蕃茄汁就邊滴, 而生菜新鮮爽口, 好正; 師傅見咁正亦忍唔住要成個啪入口, 一放入口嗰種感覺豐富到不得了, 牛肉香辣惹味之餘亦十分多汁鮮甜, 絕不乾身, 嗰種感覺真係非筆墨可以形容, 呢個辣味牛肉漢堡真的非常出色, 絕對係嗜辣者絕對必食之選! 雖然師傅冇試過好友食家"乜都放入窿"個漢堡, 但見好友食家"乜都放入窿"食得津津有味, 相信絕對不錯!
總括黎講食物質素出色, 服務有禮, 環境係細少少, 不過尚算清潔乾淨, 而價錢都可以, 咁大個漢堡包都係賣六十蚊一個, 埋單每人都唔使一舊, 師傅就覺得幾合理同抵食! 師傅最鍾意同好友食家"乜都放入窿"食飯, 皆因每次梗有好介紹的; 而師傅唯一有意見係有必要提供膠手套, 咁樣食嘅時候就唔會成隻手都係蕃茄汁, 從而亦冇咁狼狽了! 是次呢間食店笑臉一定要比, 有機會一定會再黎, 最後一個字形容 “值”!
張貼
