影片
更多
2023-03-15
17 瀏覽
火赤係一間係尖沙咀嘅日式串燒小店，由非常有經驗嘅KIN師傅主理，全程都可以見到師傅喺席前人手穿串同埋烹調串燒，非常精彩，亦睇得出佢哋非常有心機。餐廳位置雖然唔算大，但都算坐得舒服，喺吧枱嘅位置就可以欣賞到師傅嘅烹飪。如果同朋友聚會嘅話，亦都可以選擇雅座同埋露天嘅位置。佢哋嘅串燒採用左日本九州直送嘅香草雞， 🐓 由於佢哋以香草餵食，所以食落去雞肉會有淡淡的香草香，非常特別。佢哋雞嘅串燒選擇亦都非常之齊全，而且全部味道都非常唔錯，值得一試！⚪️佐酒小食🍶燒鱈魚乾 - 鱈魚乾燒到非常香脆，食落非常香口，配埋蛋黃醬一流。 枝豆 - 居酒屋嘅必點菜式，正常發揮！⚪️燒鳥🐓▫️雞下心 - 汁燒雞下心食落去有油香，爽口，唔會話好重內臟味，好食。▫️雞髀肉 - 雞髀肉燒到非常嫩滑，外皮香脆，再配上店家特調嘅鹽同調味料，味道恰到好處。▫️雞腸 - 汁燒雞腸食落非常爽彈，油份唔算好重，幾好味。▫️雞橫膈膜 - 呢個部位我個人非常鍾意，因為食落去非常之爽口，肉同埋脆骨嘅比例啱啱好，鹽燒嘅調味恰到好處，食落香口但唔會過膩。▫️糯米雞肉棒 - 免治雞肉棒，外層再加上一層脆脆地嘅糯米，口感有啲似鍋巴，中間再夾住嫩滑嘅雞肉餡，口
佢哋嘅串燒採用左日本九州直送嘅香草雞， 🐓 由於佢哋以香草餵食，所以食落去雞肉會有淡淡的香草香，非常特別。佢哋雞嘅串燒選擇亦都非常之齊全，而且全部味道都非常唔錯，值得一試！
⚪️佐酒小食🍶
燒鱈魚乾 - 鱈魚乾燒到非常香脆，食落非常香口，配埋蛋黃醬一流。
枝豆 - 居酒屋嘅必點菜式，正常發揮！
⚪️燒鳥🐓
▫️雞下心 - 汁燒雞下心食落去有油香，爽口，唔會話好重內臟味，好食。
▫️雞髀肉 - 雞髀肉燒到非常嫩滑，外皮香脆，再配上店家特調嘅鹽同調味料，味道恰到好處。
▫️雞腸 - 汁燒雞腸食落非常爽彈，油份唔算好重，幾好味。
▫️雞橫膈膜 - 呢個部位我個人非常鍾意，因為食落去非常之爽口，肉同埋脆骨嘅比例啱啱好，鹽燒嘅調味恰到好處，食落香口但唔會過膩。
▫️糯米雞肉棒 - 免治雞肉棒，外層再加上一層脆脆地嘅糯米，口感有啲似鍋巴，中間再夾住嫩滑嘅雞肉餡，口感同味道都非常有層次，成個配搭唔錯。
⚪️其他燒物🥒
▫️煙肉芝士卷 - 香脆嘅煙肉入面包住流心嘅芝士同埋紫蘇葉，食落去非常邪惡，但真係好好食，好滿足。
▫️味噌燒翠玉瓜
▫️燒蘆筍
▫️醬油燒飯團 - 飯團用咗鰹魚同埋紫菜調味，面層搽咗醬油，再燒到香脆，口感同味道一流。
⚪️甜品🍵
▫️抹茶蕨餅 - 蕨餅口感煙韌，抹茶粉算濃郁，帶少許回甘，食落唔會過甜，唔錯。
張貼
