一杯鐵板燒居酒屋

營業中

休息中

今日約咗個好朋友食飯，朋友話帶我食好嘢，帶左我到觀塘嘅一杯鐵板燒居酒屋晚餐，呢度環境舒適座位寬敞，裝修佈置都好有日本風格。見到二人餐都幾豐富，有沙律作為前菜開胃先，清新開胃，刺身三品有中吞拿魚腹，帶子，旬魚，中拖脂肪紋理分明，在口中慢慢咀嚼，入口軟滑脂香，細緻滑溜，油脂在口腔中融化。鐵板鮑魚切薄片易入口，口感軟熟容易食到。鐵板海老大隻，真係令人非常有驚喜，肉質非常厚實彈牙。鐵板澳洲 M4 和牛封門柳，嫩嫩的粉紅色點少少鹽，雖然簡單但食出牛香。迷你海膽丼海膽，滿滿海膽幸福感滿瀉，海膽鮮甜唔腥，軟綿綿口感入口即融。鯛魚湯讚岐烏冬，濃郁嘅鯛魚湯底，加上順滑嘅烏冬，更添美味。