影片
更多
2017-09-04
261 瀏覽
中菜係我最中意既菜, 除左因為款式夠多選擇夠廣, 連煮法同調味都好博大精深。不過中菜最常去既都係大排檔居多, 一大班人去大排檔可以開心share叫好多餸, 兩個人既話就難啲了, 今次就去觀塘食間中式私房菜, 有得二人餐/四人餐或者多人餐, 唔洗自己煩叫咩, 因為餐廳一早set好左。 位於近地鐵站出口既觀塘工業大廈, 交通黎講算好方便, 路痴都唔怕haha。餐廳面積比想像中少, 但都差唔多客滿, 大部份人都有BOOK位。一坐低就見到餐牌例明哂所有前菜 湯品 主菜等, 一目了然, 多於十種食品安排左, 感覺豐富呢! 而且餐牌上面印左自己個名, 真係第一次!!! 前菜有三款, 分別係有機沙律菜伴芝麻醬、涼拌黑木耳同埋紫薯配鮮淮山, 一次過上~~ 有機沙律菜伴芝麻醬一大碗菜份量唔少, 食極都仲有, 有機菜爽口, 而且芝麻醬滿佈每片菜葉, 面再配幾顆鮮味車厘茄。 涼拌黑木耳無預期中既酸味或者辣味, 整餐菜中最清淡既一道前菜, 靠木耳的爽脆作主打, 但調味更多會好D。 紫薯配鮮淮山兩者都係我愛的!!! 紫薯同平時食開既比較淡, 但粉質感更明顯, 反而鮮淮山比較少食, 同樣粉質重, 無咩調味但仍然新
位於近地鐵站出口既觀塘工業大廈, 交通黎講算好方便, 路痴都唔怕haha。餐廳面積比想像中少, 但都差唔多客滿, 大部份人都有BOOK位。
一坐低就見到餐牌例明哂所有前菜 湯品 主菜等, 一目了然, 多於十種食品安排左, 感覺豐富呢! 而且餐牌上面印左自己個名, 真係第一次!!!
前菜有三款, 分別係有機沙律菜伴芝麻醬、涼拌黑木耳同埋紫薯配鮮淮山, 一次過上~~
有機沙律菜伴芝麻醬
一大碗菜份量唔少, 食極都仲有, 有機菜爽口, 而且芝麻醬滿佈每片菜葉, 面再配幾顆鮮味車厘茄。
涼拌黑木耳
無預期中既酸味或者辣味, 整餐菜中最清淡既一道前菜, 靠木耳的爽脆作主打, 但調味更多會好D。
紫薯配鮮淮山
兩者都係我愛的!!! 紫薯同平時食開既比較淡, 但粉質感更明顯, 反而鮮淮山比較少食, 同樣粉質重, 無咩調味但仍然新鮮可口, 切成小方塊, 外觀簡約趣緻。
茶燻流心蛋伴黑魚子醬配厚切茄子
最後一道前菜, 亦係最有驚喜既一道! 開邊後既流心蛋, 蛋黃呈深黃橙色好吸引, 做到溏心蛋既半流心效果, 蛋既表面亦呈淺啡色, 食落比預期中淡味但蛋味濃, 但原來一點個醬, 即刻唔同哂, 個醬既味道好獨特, 無試過食呢種味, 好豐富既味道, 先係海鮮醬既鮮甜, 然後醬油膏既咸味淺淺滲出, 一直徘徊係舌尖, 好想試真究竟入面仲有咩材料!! 另一主角茄子雖然係墊底, 但一啲都唔好輕視佢!!!! 茄子唔係就咁蒸, 而家炸煎過, 面同底都有層類似天婦羅既炸皮, 但神奇之處在於浸在醬汁之後完全吸收哂D汁, 變成軟棉棉但好濃味既一片皮, 好得意!!!
原盅燉姬松茸淮山燉甘荀黑毛豚肉湯
每人一盅既燉湯, 唔洗爭XD
一打開, 就可以到塞得滿滿既湯渣!!!!係我最愛既湯渣!!! 豬肉採用黑毛豚, 有三四件, 除左啖啖之餘, 仲有少量肥膏同埋骨, 至於姬松茸係較少機會食到既菌, 營養價值高, 煲出黎既湯淡中帶鮮。
蝦球水芙蓉
菜名幾浪漫, 外觀都係, 本身預左係蒸水蛋, 但原來面有層厚厚既油之類, 係甘荀油再經師傅加以提煉同調製成清湯表層, 味道出奇地清甜無油膩感, 更成功地令下層滑溜溜既蒸蛋白更添幾分滑嫩感呢!!!面既蝦球亦十分之爽彈, 配以數粒杞子。
香煎北海道帶子海中寶
所謂既海中寶, 本身以為係海鮮, 原來我太膚淺, 因為佢係主要由蝦打成既蝦膠, 內裏包住帶子, 再煎香, 看似打邊爐既龍蝦丸, 顏色呈橙黃色, 口感夾雜同樣彈牙同埋札實之中, 蝦肉粒隱隱吃到, 最內層包住既帶子與蝦膠有瀜為一體既感覺, 幾新奇既做法, 但帶子會因此變成配角, 未能完全品嚐到佢既彈牙肉質, 不過整體夠鮮味, 而且擺盤高貴。
士多啤梨豚肉伴草莓
採用黑毛豬豬腿部份既肉, 肉質自然結實有咬口, 靈魂在於士多啤梨醬汁, 甜酸度拿挰得好, 草莓本身既酸甜加以調較後, 十分惹味, 滿佈豬肉為每啖都可以嚐到開胃既醬汁, 兩者配合得天衣無鏠呢!! 如果可以再來多塊就好了… 下面類似米餅淡淡的, 中和左上層既濃味, 不過我口痕試左朋友果塊米餅, 發現佢果塊脆過我呢XD點解既XD
米王浸碧綠温室菜苗
菜苗被壓縮成迷你圓柱體, 外形趣緻, 以為份量好少, 原來一打開有好多菜, 菜苗的確如其名般翠綠, 翠綠度同新鮮度亦成正比, 新鮮清甜, 而且煮得一啲都唔老, 呈奶白色既米湯較淡, 無任何味精或添加調味令米味自行發揮。
荷香蒜蓉海斑片原籠蒸駌鴦飯
最後呈上既一道菜, 亦係最飽肚既飯。 原籠上, 盛載既飯份量好多, 採用左健康既紅米作配搭, 但無煮得過硬既情況, 相信即使無食開紅米既朋友都一樣食到, 面既海斑共三片, 較薄身, 魚肉鮮嫩軟棉, 充份發揮左海斑獨有既柔軟夾彈既肉質, 主要調味來自蒜蓉, 感覺清淡, 魚味濃郁, 但個人覺得過淡, 尤其是飯多, 底部既飯就較難食到調味。
最後的生果有西瓜同哈蜜瓜, 切成方粒, 哈蜜瓜好甜。
張貼
