響 - Hibiki 日本燒肉 (已結業)

是日心情欠佳，只能夠化悲憤為食量。。。星期三晚來到，等一陣位就有得入座，係好好彩！一嚟到先飲啲消暑飲品。飲品選擇好多，仲可以飲梅酒同啤酒。一開始先有龍蝦同埋刺身。龍蝦啖啖肉，食得好暢快！之後就有各款肉類，侍應會先拎兩碟拼盤過嚟，然後想食咩款可以再encore牛肉最好食！ 大家都鍾意牛胸腹同牛肋骨！牛肉味道都幾濃郁，而且冇落好多醃料去調味，食到肉嘅原汁原味呢款雞骨腸幾好食。仲有原條喜之次，即刻覺得呢餐放題高級咗！大蝦都唔錯 ！大大隻，肉質都好爽口。甜品有好多款雪糕雪條！食完咁多肉，決定食gelato算數