武士拉麵 (已結業)

之前上網抽中左名店倉既coupon，今日就同男朋友攀山涉水黎Emax買鞋😂。本身仲諗住出去Megabox食野，但因為未食野太肚餓，都係決定係到是但食啲野🤣。對Emax食肆有既印象淨係得M記，不過原來而加二樓已經開左好多餐廳😱。揀左一輪，都係決定食拉麵。由於今日係星期日，所以店入面都唔多人。一坐低就有侍應斟茶比我地，同埋話我地聽星期日無午市優惠，嗌拉麵無得送餃子或飯。我嗌左足利將軍拉麵（黑蒜油豬骨湯），男朋友嗌左德川將軍拉麵（醬油魚介豬骨湯）加蟹棒。其實糾結左好耐加唔加蔥花，但要成$6加一碗仔蔥花，最終都係覺得唔抵就無加到😭。另外因為驚唔夠飽，所以仲嗌左個唐揚炸雞🤤。覺得幾特別既係，啲拉麵可以揀粗/正常、軟/硬/正常，湯底可以揀濃/淡/正常👍🏻。我個碗就揀左粗拉麵，麵質同湯底正常。粗拉麵幾有咬口，幾鐘意🤣！湯底應該要揀濃啲，因為普通既湯飲落陣黑蒜油味唔夠香濃。試左一啖男朋友個碗既湯，覺得都係黑蒜香啲，佢個碗比較似普通拉麵既湯🤔。碗面睇落就唔太豐富，有兩塊叉燒、半隻蛋、木耳絲同一塊紫菜，蔥花就得兩粒😭（唔同湯底都唔同，男朋友個碗多啲蔥）。個唐揚炸雞就即叫即炸，所以要耐啲先到，不過送到上黎係