98
15
4
港鐵九龍灣站 B 出口, 步行約13分鐘 繼續閱讀
所有分店 (3)
電話號碼
35801335
營業時間
今日營業
11:00 - 21:00
星期一至日
11:00 - 21:00
付款方式
AlipayHK 支付寶 現金
座位數目
50
其他資料
電話訂座
當面支付
食評 (128)
等級4 2019-06-22
1215 瀏覽
因為工作關係,今天要到九龍灣國際展貿中心,中午時候,到二樓揾食,兜兜轉轉一個圈,決定走進武士拉麵。還記得大概兩年前到尖沙咀武士拉麵總店吃拉麵,那次和老闆傾談當中,他說將會在九展開分店,不知不覺間,兩年後才有機會拜訪此分店。門外大大個餐牌,無論價錢和品種都和總店有分別,價錢比較大衆化,相信是配合這裡的消費客戶群。午市限定拉麵餐由$58-$68另加小食由$10-$22還有一個飯餐,更可加推甜品: 北海道3.6 牛奶布甸,可算是豐儉由人。中午一時許,繁忙高峰時段,幸好筆者單打獨鬥,一個人,很快有位。雖然店內面積細細,但面壁位置也富有日本拉麵風格。很想影一張食店招牌相片,可是未知為何,拍了好幾張照片,光暗度也不佳,只有這張能夠清楚顯示,但感覺好像晚上時分,見諒。一坐下來,立即拎起點餐紙,由於今天時間有點趕,決定選一號,應該是招牌項目吧!另加$10 加推日式餃子。店員落單後,很快放下結賬單,作為一個繁忙時段,清楚、簡潔、有效率。每張枱都放著幾款調味,支裝那支醬油,更浸著日式咸魚仔,另外更有芝麻醬油、拉麵胡椒等⋯⋯為自己的拉麵調配得個人口味獨特化,一讚。始祖將軍拉麵$58~老實說和總店相比,真是一分錢 一分貨,總店的內容比較豐富,但作為一個午餐,再加推小食的話,份量是足夠的。先來頭啖湯,奇怪是吃到湯有一陣薰煙的味道⋯⋯但只是淡淡的,由於趕時間,所以沒有時間問店長。蛋做得流心,尚算合格。义燒薄薄兩塊,但收這價錢,筆者尚算接受。由於第一次到來,在點餐紙無論湯底、麵的軟硬度,都選普通,看看食店的標準如何。所有都是合格之選,不過不失,但和總店相比,明顯地總店較為吸引,正所謂一分錢 一分貨是有道理的。日式煎餃子~餃子三隻加推另加$10, 煎得唔算乾身,但配上那調好的醬汁淋在那餃子上,酸酸甜甜,筆者喜歡這質感。比一般的日式煎餃子更有個性。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-07
147 瀏覽
黎睇戲順便想近近地係九展食埋dinner,就搵到間武士拉麵店~嚟九展食飯,除咗有event或者睇戲,都搵唔到有其他原因🤣因此個場睇落空蕩蕩,俾我地2人包咗場咁枱上有唔同嘅醬料可供選擇★★★九州地獄拉麵 $98叫咗硬麵,麵條軟硬度控制得OK,口感彈牙有嚼勁,尚算掛湯叉燒都OK,不過不失辣度就普通,半個地獄層次都冇★★★武士沾麵$108柚子魚湯底,柚子味都幾出,又不失當中的魚鮮味,溏心蛋中規中矩,冇乜甜味我地趕住睇戲,等咗一段時間先上到麵,好彩15分鐘度都食得晒碗麵如果係嚟到呢頭唔想食快餐,武士拉麵都不失為一個好選擇嘅武士拉麵整體評分★★★地理環境★★★★環境舒適安靜服務★★★好靜,員工都幾hea但都有禮貌食物★★★麵質彈牙,份量中等,未算驚喜價格$$$一般可接受,唔洗收加一 繼續閱讀
(以上食評乃用戶個人意見 , 並不代表OpenRice之觀點。)
等級3 2019-07-26
293 瀏覽
My friend and I were starving after watching a movie so we thought we’ll have a quick bite at Samurai Ramen. Food choices are limited and there’re options to choose from in term of soup thickness/noodle type etc. But honestly there’re nothing special about the ramen nor the soup base. For almost $100 for a bowl of ramen, I definitely expected for better food quality. 繼續閱讀
(以上食評乃用戶個人意見 , 並不代表OpenRice之觀點。)
等級3 2019-07-13
246 瀏覽
黎左九龍灣e max睇戲,就係度揾下野食,見到呢間拉麵店都幾多人就入左去食叫左個黑蒜油拉麵同沾麵,店員同我講沾麵用粗麵會好d,幫我揀左,之後我先發現原來餐紙有得揀,我冇揀到😂拉麵係用幼麵,會容易d附到湯汁,入味d沾麵就口感突出d佢跟左個汁醬入面仲有好多肉💕但我就中意麵上面既肉多d,因為有燒過,會香好多之後就再叫左兩個小食首先黎既係薯餅,佢啱啱炸起,好熱辣辣,而且炸到金黄色又外脆內軟,入面係忌廉蟹肉,食落好creamy💕之後我最愛既少丸子就上喇🤤呢個小食好驚喜,本身諗住拉麵店既小丸子應該正正常常喇,點知佢整得咁好食,平時食個d皮係淋,佢係做到個皮仲脆脆地入面係見到有八爪魚,冇偷工減料架🤤最後埋單2個人$248,食到好滿足下次再黎一定要再叫小丸子食丫💕 繼續閱讀
(以上食評乃用戶個人意見 , 並不代表OpenRice之觀點。)
等級3 2019-07-10
261 瀏覽
今晚來九龍灣會議展覽中心,行街買野。二樓有食街,都有好多不同類型的食店。行到尾尾位置,有間日式拉麵店舖,餐廳是較新款的日式裝修。枱枱櫈櫈都係木。黑蒜油猪骨湯拉麵,拉麵揀了幼麵和普通,所以麵質剛好,不會太硬,又不會太熟。湯底都是普通,鹹到都是剛好,還有濃濃的黑蒜味,好香。醬油魚介豬骨湯底,因為魚加豬骨兩款,所以揀淡味,鹹味好好。蜜糖芥末雞翼,熱辣辣。雞翼面甜甜地,食落有芥未辣,真是食唔停口。吉烈炸虾,又係熱辣辣,炸得好脆口,炸物真係熱辣辣就最好食。 繼續閱讀
(以上食評乃用戶個人意見 , 並不代表OpenRice之觀點。)