自家燒吧 (已結業)

燒烤店都唔係第一次食，咁有創意真係第一次食！今次嚟到觀塘工廈佢食呢間燒烤店，實在太好玩啦。每張枱都有一部自助燒烤機，入到去店員會好細心咁介紹點樣用部機，同埋點樣用比較安全。非常專業。同事都好細心咁同我地講解枱上面嘅所有設備。另外每張枱嘅空間都好大，雖然我哋得兩個人，但係都有足夠嘅位置慢慢燒。每支串燒都有指定嘅竹籤，只要將串燒放喺指定嘅位置，就會喺部機度慢慢轉，慢慢燒。你叫咗個二人海鮮套餐，有海鮮有肉，平時BBQ必備嘅棉花糖都有！實在喜出望外。由於部機會有自轉功能，每支串燒都燒得好平均。而且佢啲醬汁都做得非常之好，最鍾意就係佢個雞翼，肉質鮮嫩，而且加埋蜜糖醬，好食過自己係出邊BBQ嘅雞翼！坦白講係我食過最高質嘅燒烤店！正！