81
9
0
港鐵觀塘站 B2 出口, 步行約3分鐘 繼續閱讀
電話號碼
23381820
54096668 (WhatsApp)
營業時間
今日營業
12:00 - 23:00
星期一至日
12:00 - 23:00
付款方式
Visa Master AlipayHK 支付寶 現金
其他資料
當面支付
食評 (102)
等級4 2019-03-22
277 瀏覽
趁住仲係涼涼地的天氣,就想去燒野食,但朋友們很怕煩,又要買食材又要霸爐仲要透火🔥 而且好怕個陣油煙味,所以我就提議去自轉燒烤放題✌🏻「自家燒吧」位置駱駝漆大廈,裝修設計都很有特色,而且以卡位為主,坐得舒適,小店主打無煙燒烤放題,價錢合理,而且不用睇火,岩哂我地這班怕大陣味既懶人店家提供左三款醬汁比客人搭配燒物,我最鐘意日式蜜糖燒汁,邊燒邊塗上一層燒汁,就不會令食物燒到乾哂,仲可以多一分蜜糖味🍯 另外有個食物夾方便夾出食物,亦有大鐵桶供放串燒鐵籤用除左醬汁,仲有三款孜然粉包括原味、辣味同花生孜然,灑上串燒面做調味別有一番風味自助飲品櫃有齊各式各樣的港式飲品,連陽光經典系列都有✌🏻不喜歡高甜度罐裝飲品的朋友不用怕,這裏提供手沖飲品包括檸檬茶、檸檬水、菊花茶、柚子蜜及蜜桃紅茶,還有凍、熱飲兩樣選擇,這杯凍檸茶茶底幾濃,不算太甜,沖得很有茶餐廳風味這個牛肉拼車厘茄的串燒搭配深得我喜愛,牛肉粒一口size易入口,車厘茄燒很juicy💦咬落下去有爆汁效果,酸酸甜甜,可以解去牛肉的膩感芝士蒜蓉焗生蠔雖然是任點任食,但絕不是交行貨,蠔肉肥大飽滿,佈滿蒜蓉粒粒,以任食的質素很抵食呢~~店中央的凍櫃除了放了串燒外,另一邊亦有冷盤、前菜、沙律🥗、水果及甜品提供,擺放得幾吸引且衞生旁邊亦有約六種熱葷可以拎,焗蠔,連中式的蝦肉節瓜甫都有,若果仍然不夠食,可以利用點餐紙點選即點即煮的粉麵或者炸物,十分豐富冷盤有芝麻八爪魚🐙 中華沙律,白雲鳳爪等,全是我的最愛💕黑墨魚丸爽口,內有墨魚粒,燒過後有外脆的效果,頗有驚喜串燒種類眾多,約有三十款,有香腸、丸類、蔬菜🥬等,尤以肉串款式最多,雞肉、牛肉、豬肉、羊肉等一應俱全,而且預先醃過調好味只要將串燒的齒輪固定在爐邊的凹糟中,串燒便會自轉,看著一串串的串燒360度均勻旋轉受熱,十分治癒☺️ 燒烤時分泌出的油份會掉回爐底的水糟,所以燒烤過程可以做到無味、無油煙,燒蔬菜效果都不錯,完全不會扯乾水份最後當然不少得平時去燒烤必食既燒綿花糖,360度咁燒,🔥火力好平均,燒到粒綿花糖外脆內軟,一個人啪哂三粒絕對不是問題🤪 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-20
1446 瀏覽
今期流行自轉燒烤爐🔥,只要放下串燒🍢,就可以邊看著它轉呀轉😳,邊等著吃😆,省卻要將串燒反轉的工夫🙃,而觀塘這家放題店也引入了這部機器📍!晚市時間🌛,店內已坐滿了食客😲。店內空間感不錯😌,位置也蠻舒服的👍🏽。店內有兩個開放式雪櫃❄️,串燒種類頗多🤩,款式差不多有30款🧐,牛肉🐮、雞翼🐣、豬腩肉🐽、羊肉🐑等應有盡有🥰。肉類因為比較為難分辨😅,店家更細心地以卡通貼紙以作識別🖍。另也有不同的蔬果類及丸類等🥒。另一面則有沙律吧🥗、冷盤小食如三文魚等🍴。🔹蒜蓉燒蠔🌊在等待的時間也可以先吃一點小吃😁,香濃的蒜蓉配上肉質肥美的蠔肉😋,很不錯的👍🏽。🔹炸雞翼🐣雞翼是老公🍋最愛💘,怎能錯過😌?🔹焗青口🐚再加上一點青口🍴,吃完了小食後😊,我倆的前菜也差不多可以吃了🎉~🔹串燒🍢店員先示範燒製過程🔥,所以第一次來的也不用緊張😙。燒烤爐溫度頗高的🌡,肉類等不消一回也馬上可以吃了🎊。重口味的老公🍋邊吃加上辣味孜然粉🌶,而人妻🐷呢,還是吃原味的好了😄。總結💭食物選擇蠻多的😍,加上價錢實惠💸,地點亦非常方便📍,性價比高呀🥳! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-16
999 瀏覽
之前已經同老婆去過位於觀塘駱駝漆的〈自家燒吧〉,之前仲未轉做自助放題,食起上嚟都有少少就住就住。😅但係餐廳最近轉左做〈兩小時無限任食自助放題〉大人如果閒日非繁忙時段都不用$200,真係抵到爛!!話明放題任飲任食,當然少不了各式各樣嘅飲品,全部都係香港大廠出品,有名有姓品質保證。各式嘅串燒包括豬牛羊雞,丸類腸類同瓜果類都齊,選擇非常豐富。除咗串燒類外,仲有各式時令生果同甜品,款式多樣化。當然二話不說就要拎齊咁多種喜愛嘅串燒放在爐上。最優勝之處就係食物放系爐上就會自動旋轉燒烤,完全唔使睇火,真係啱曬我哋呢啲又要懶又要食嘅人唔使睇火就當然要出去拎各式嘅熟食。肉類,蔬菜,海鮮都有供應。最誇張真係有成條魚蒸出嚟,誠意十足。老婆其實鍾意食菜多過食肉,所以未等到串燒燒好,佢已經點咗兩個不另收費嘅蔬菜,今日有生菜同通菜,都幾新鮮唔錯架。 菠蘿雞粒炒飯亦係另一個必食菜式,飯炒得夠乾身又有黃薑味,加埋雞粒,菠蘿粒,提子乾肉鬆一起炒,非常好吃。好快肉類串燒就已經燒好,肉質都幾好唔會話肥淋淋,有肉味唔會雪到死死實實。唔好以為任食串燒就會較到個爐好慢好細火,印象中同之前單點時嘅速度完全冇分別,兩個鐘一定絕對夠時間,不取巧,good!!燒好嘅肉類如果想再重味D,可以再另外添加孜然粉。除了有辣味和原味孜然粉外仲有花生孜然粉,都好惹味架。最後老婆仲好開心咁燒埋棉花糖做飯後甜品, 今晚真係食得好開心。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-07
1906 瀏覽
平時食串燒都係餐廳燒完先拎過黎, 今晚黎到官觀工廈入面食串燒放題。呢間串燒放題餐廳晚餐分 3 個時段, 平日去最貴嗰個時段都係兩百頭, 都唔算好貴, 2小時內任食串燒 & 其他熟食。串燒方面大約有廿幾款, 自己喺自助區拎。 肉類串燒主要有: 新疆羊肉、牛肋條、豬頸肉、多春魚、雞翼 … 丸類串燒除左有各式各樣嘅肉丸 & 腸仔外, 仲有午餐肉 & 燒賣。 蔬菜類串燒就有粟米、菇類、秋葵、翠肉瓜, 而且仲有菠蘿添。 不過最令人心心眼嘅當然係有棉花糖串燒啦。自助區除左有串燒食材外, 仲有幾款熟食: 蜜汁豬肋骨、燒雞翼、芝士焗蠔、炸洋蔥圈、煎餃子、大蝦天婦羅、麵醬節瓜、白汁青口 …另外有個凍櫃提供: 各式沙律、多款大蝦/三文魚小食、涼食、白雲鳳爪、生果 …拎完番埋位之後, 就可以將 D 串燒放喺個特製嘅自轉烤爐上慢慢燒, 再塗上日式蜜糖燒汁, 令肉汁保留, 唔怕燒乾。串燒燒熟左就可以按喜好沾上孜然粉 (孜然粉有3 款味道: 辣味、原味 & 花生味)。整括黎講, 第一次黎呢間食自助串燒都幾過癮, 味道亦唔錯, 有得玩有得食, 而且食物種類又多, 唔夠仲可以加錢 Order 貴 D 嘅串燒食材添, 值得 Encore !! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-04
1519 瀏覽
最近多數吃西餐為主,好像有一段時間沒有吃串燒,為什麼會想到吃串燒呢?其實原本是想著吃韓燒的,但韓燒在現今彷佛太多人吃,而且個人真的不太享受在韓燒店有太多油煙的氛圍,無意中被我發現到一間主張「無煙、無油」的自助串燒店,難怪會叫「自家燒吧」,真有興趣去試試呢。自家燒吧位於觀塘的駱駝漆大廈,去過駱駝漆大廈的人會知道,這座大廈有分數座,未去過的人要注意,可能會去了別的座數。一上去便去見十分多的人在等候,訂位了七時正,還以為可以準時入席,但足足等到七時二十分才能入座呢,可想言之食店有多受歡迎呀韓燒和日式放題在香港都十分常見,串燒放題真是很罕有,但以星期六的價錢來說也不算昂貴,我們去的是黃金時段,相比起平日的昂貴也實屬正常,每位$238,可享用兩小時。等了30分鐘,終於能入座了,平常的餐廳卡位舒服很多,而這裡餐廳中間的範圍也不會比卡位差很多,同樣是很舒服的。串燒種類繁多,有蔬菜類(菠蘿、粟米等等),但最主要的都是肉類,有豬、牛、雞和羊肉,一串串的就放在這裡,客人想要便可以自己去拿,挺方便的。另一邊是甜品和冷盤類,有沙律、水果等等。先試了一些小食,有些是餐牌上有的,有的可以在取餐範圍自己拿取,分別點了魚腐、芝士黑松露薯條和蒜蓉焗蠔。魚腐竟然是最好吃的😳真是意想不到,裡面有一點芝士味。薯條和蒜蓉焗蠔也不錯,但蠔可以再大隻一點。取了牛肉和雞肉,這裡的牛肉真的十分好吃,燒的時間比其他長也是值得的,所有種類的串燒事先都經過醃製,牛肉不算有太濃厚的醬汁味,但煙韌非常!一件件的放在口中真的很有滿足感雞肉則分為雞腿和雞翼位置,拍完照片也不記得是雞腿還是雞翼的部分了,雞翼較雞腿部位硬身,但不失嚼勁,要看個人喜歡哪一款,我自己則喜歡雞腿的部分多一點。最後還吃了烤叉燒,叉燒還要是「梅頭肉」,即是豬隻的肩膀肉,肉質細膩、嫩滑,帶點嚼勁,加上原本經醃製用的醬汁,真讓人想多吃幾件。不得不承認,自助旋轉的串燒真的十分特別,每一枝鐵籤上都有一個齒輪位,齒輪位放在串燒機的旋轉帶上,旋轉帶一運作,每一串串燒都會自動一同旋轉。但職員有提醒我們,最好每一串和每一串之間都保留「一串的空隙」,除非真的想在同一時間吃很多串串燒,要不然就要聽一下職員的意見。吃了各式各樣的串燒,感覺口乾,當然要點飲品去清清喉嚨。分別點了一杯熱情果沙冰和椰子沙冰,熱情果沙冰偏甜,但還是有很重的熱情果味,椰子沙冰則清清的,不太甜,像是喝淡淡的椰汁,跟熱情果沙冰有明顯的分別。 繼續閱讀
(以上食評乃用戶個人意見 , 並不代表OpenRice之觀點。)