120
11
0
港鐵觀塘站 B2 出口, 步行約3分鐘 繼續閱讀
電話號碼
23381820
54096668 (WhatsApp)
開飯介紹
以放題形式的自助燒烤,自轉烤爐令串燒四面都燒得均勻,非常方便。餐廳提供3款燒烤醬及孜然粉用作蘸點食物用。除了燒烤食物,亦有不少冷盤、小食、甜點及生果等供應。 繼續閱讀
營業時間
今日營業
12:00 - 23:00
星期一至日
12:00 - 23:00
付款方式
Visa Master AlipayHK 支付寶 現金
其他資料
網上訂座
賞訂座積分
加一服務費
當面支付
有關獎賞計劃
食評 (149)
等級4 2019-09-13
2173 瀏覽
臨近中秋,除咗想食月餅,就心思思想燒嘢食!嗰日同我個觀塘之友同事講起,想燒嘢食但又怕熱辣辣,同事即刻同我開心share,原來最近觀塘駱駝漆嗰邊有間串燒店做緊優惠,好抵食!呢間串燒店除咗喺室內有冷氣歎,仲有一大特色,就係電動自轉串燒爐,免人手燒,免叉肉,揀完嘢食,放上爐,坐低等食就可以!自助區有大量選擇!!串燒已經串好哂,整齊排放好,仲有牌仔標示說明種類。多款選擇包括豬/牛/雞/鴨/丸/腸/菇/魚/瓜果/豆卜,連棉花糖都有!另一邊有日式小食,甜品,生果,蝦,青口,可以邊食邊等!熱食連焗生蠔都有!飲品,雪糕,湯都係自助,任飲任食㗎!燒烤爐溫度高,串燒受熱範圍平均,簡單嚟講快靚正!睇住啲串燒360℃自轉,好治癒🥰燒出嚟嘅食物都好靚👍🏻枱上除咗提供咗三款調味粉之外,仲有三個醬汁可以揀:日式蜜糖燒汁、酸辣汁或茄汁!除咗上面講過嘅食物,仲有炒粉麵飯,菜,特色小食係免費叫!如果唔想飲汽水,可以叫檸檬茶/檸檬水/菊花茶/柚子蜜/蜜桃紅茶/柑桔蜜。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-31
2144 瀏覽
朋友想食燒烤,我當然提議來觀塘的這間自家燒吧,皆因自家燒吧食物質素高質外,那先進的放串燒上去便可以自轉燒烤的燒烤模式,都是我推薦的原因。因為17:00~19:00及燒宵夜時段有優惠,今日是假期,所以我們可以早㸃食,我們訂了位17:00,$208+加一服務,任飲任食2小時,非常期待及興奮。這麼早的時間,原來已經有很多人了。見到餐聽有熟食、燒烤類及甜品飲品,還有節瓜紅棗粟米湯...等,任取任食。燒烤的種類又多又新鮮,有沙嗲豬、牛柳粒、牛舌粒、豬腩肉、泰式雞肉、牛肋條、羊肉串及秋葵...等等。就是喜愛那全港最先進的自動燒烤方式,材料多款式又美味,抵食又美味呢。冷盤有非常多的水果、甜品及一杯杯的沙律、涼伴菜、凍蝦及青口,連泰式鳳爪都有...。熟食有日式煎餃子、椰菜花、蒜蓉焗蠔及咖哩魚蛋...等。當中覺得泰式鳳爪及煎餃子、凍蝦及青口,最為美味。一邊食熟食,一邊燒第一輪的燒烤,豬腩肉、牛肋條、羊肉串及秋葵。當中燒腩肉及牛肋條非常爽口又入味。羊肉也是燒得很香口,再加少少辣粉,好好味喎。跟著燒第二輪,羊肉串覺得好食所以繼續,牛肋條也很得我愛。卜卜脆的多春魚又怎少得了。食多了肉就燒一些車厘茄、粟米及酸酸甜甜的菠蘿。最後壓陣的當然少不了水果及甜品。今晚的自助燒烤食得開心又美味,想食什麼就燒什麼,食得非常開心,燒得也非常開心。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-12
3076 瀏覽
女人悶悶地說要我陪,我說當我陪客呀而家,陪客是要收錢的,她竟然串嘴道你咁口臭,你不如睇下牙醫?我反擊道你咁串嘴,你不如去食下串燒?她又會附和道:不如你陪我去食串燒,跟著我再陪你去睇牙醫,我想了想,又得姐,結果順理成章就來了自家燒吧。.自家燒吧身處工廈林立之中,藏身之深,沒人提及的話,幾乎是等於不存在的。我已想不起來有多久沒有去過BBQ,於我而言,串燒和燒肉都是BBQ的升級版,因為室內夠乾淨,串燒又預備好,節省了燒炭透爐、吉串食物的工夫,不用再怕沾污纖纖玉手,話晒我都算得上"玉潔冰清,隻手滑過郭晶晶".....由於外面串燒櫃有多款選擇,所以Menu的選擇是有限的,但我還是叫下額外付費的串燒來試試:.1. 白鱔($17/串): 細件,淡口,皮韌,搽上鰻魚汁來燒,吃時回憶在日本吃的香鰻。.2. 青口($7/串): 燒起來比較乾身,灑上孜然及五味粉,帶出一點鮮味。.3. 鮮帶子($14/串): 大粒彈牙,搽些鰻魚汁,咸甜夾雜,不錯喔!.4. 鮮海蝦($8/串): 燒蝦就是吃外殼脆口,只要含,不要吞,嘗嘗海水鮮味,再剝開外衣,感受那份嫩滑及彈牙。.至於小食類:炸餃子-有點乾硬,饀料不太有味道/芝士黑松露薯條-咸香,亦中有少許松露香/魚肉豆腐-彈牙且帶點芝士味/蒜蓉焗蠔: 多汁,冇腥味,唯獨較細隻/洋蔥圈-炸得較硬/雞翼-乾身,也欠缺些味道。.烤爐是電動的,用上單車款的鐵鏈,帶動串燒棒上的鐵齒輪,不停轉體360°,720°...等待的時間,不如唱返首"如何地轉,嘔心瀝血原地在轉,轉不出快樂仍在轉...","給我一首歌的時間,緊緊的把那串燒烤熟一點",應該就能吃上串燒。.只是太靠近烤爐,很容易燒到眼火爆,於是我離遠一點,叫女人盡情釋放她的溫柔體貼來幫我"串燒吧,你別停步無論誰自誇燒得比你好",看著她把串燒翻了幾轉,往日的柔情蜜意也在心中翻了幾轉... 繼續閱讀
(以上食評乃用戶個人意見 , 並不代表OpenRice之觀點。)
學過一句諺語,粒粒皆辛苦,喺指嗰時啲人種米唔容易,粒粒皆辛苦。做飲食都喺,好食、好睇之餘,仲要有創意,時不時要有新款或者Gimmick野先可以吸引香港既人新鮮感。觀塘站工廈有間【自家燒吧】晚晚爆場吸引不少區外區內食客捧場。見佢咁得意就去一試究竟吧。.駱駝漆大廈1座,工廈電梯一出左轉經已見到門口,有人等緊位,就算訂左可能都要等多等呀,門口位擺咗價錢牌,晚市由$188-$238,視乎入座日子及時間,任燒任食2小時。「自助串燒Buffet Bar」就算這小時若非客多,我覺得都唔會趕你走既。人流多多,裡面地方頗大,但眼見都喺4人卡位比較多,就算我係兩個人都有張4人既闊落枱好開心,裝修試就簡簡單單,沒有太多既藝術感,行番工廈風都是不錯因為有少量美式車牌、巨型啤酒蓋...店員安排座位後會加以解釋,枱面既自轉烤爐已裝嵌晌枱上,利用兩側嘅發熱管將食物烤熟,每次最多可以擺放13串,佢就會360˚轉動,店員話校到80°已經好勁。仲有其他食物,醬料既解釋都好詳盡,好有Service,認真加分,一來覺得好貼心,二來又講解得好清楚,呢個位做得非常好。另外仲有餐具、紙巾、放串燒針既桶,3款燒烤時用嘅醬:「蜜糖燒汁,泰式甜酸醬,洋蔥蕃茄」同埋用作蘸點食物用嘅3款味粉「孜然粉:原味、辣味及花生味」亦早已準備好。了解清楚後就出去拎串串了。這店提供食物款式非常多,「由豬、牛、羊、雞至肉丸、墨魚丸、墨魚仔、芝士腸、墨西哥串燒、雞翼、牛舌等,蔬菜方面有菠蘿、翠玉瓜、番茄、各款菇類,還有燒賣、春卷、秋葵、午餐肉、棉花糖等」,選取食物已很開心。佢想要點野食既紙比你揀,不過有D要另外加錢架,留意番...拎完番黎,一邊燒一邊塗抹串串,平均調味,等佢懶人自轉串燒,望住佢轉望住佢熟既同時我就出去拎左小小前菜。出面個大凍櫃,「一面就有啲凍海鮮,泰式鳳爪、凍蝦、青口,八爪魚、辣味螺肉、沙律杯、中華沙律、多款特色冷盤小食等等」。我拎左沙律杯,前菜都屬正正常常,相信佢既串燒會更加出色。仲有少量甜點及生果。我拎左樣甜品,係抹茶牛奶布甸咁既野,都係正常感覺。晌另一個角落,還有提供熟食,不時會「有燒豬肋條、焗蠔、焗青口、蒜蓉西蘭花、燒牛脷、炸魷魚圈、炸餃子等,我見到有人入紙點薯條、炒飯或意粉」,但我驚食唔晒就冇點了。不過佢既燒豬肋條、牛舌、焗蠔係唔錯喔,豬肋條真的做到肉質軟腍,骨和肉分離的效果呢! 行到咁上下番埋位就食得啦,酸辣汁及蜜糖燒汁係最配所有串串既,基本上好多串燒都系高質,肉類的話,牛肉粒、羊肉、雞肉都好正,可能係一開始塗了汁所以能令到啲肉鎖住肉汁又夠嫩,味道濃濃,但唔夠味都可以加孜然,增加味道層次,惹味香濃!孜然我就覺得花生🥜孜然較為特別,無乜點醃過既肉,加自己喜歡既汁再加調味粉,味道都咁出色。 好欣賞燒烤爐溫度高而平均,大約數分鐘已燒起肉串了。另外雖然佢係可以放13串,但由於有啲串燒較闊身,會互相撞到,每次燒到7-9串已好足夠啦。另外我好推介,午餐肉、粟米、菠蘿同棉花糖。午餐肉燒完個皮係極脆,口感同味道一流,菠蘿就燒熱後會更加香甜。推介!粟米都係好甜而燒棉花糖是BBQ指定動作吧?超美味的樣子光用看的就令人口水流下來了。開始要飲野啦,提供唔少飲品。有個大雪櫃擺上多款紙包、罐裝飲品款式都喺大家見慣見熟嘅本地品牌。甜品仲有雪糕呀,就係大雪櫃旁有個雪糕凍櫃,喺牛奶公司既雪糕,一般吧,但又唔會係差,因為由細見到大,係冇乜太特別既驚喜姐。興起懶人燒烤新食法唔知會興到幾時,但係呢個燒法又真係幾得意,快熟又可以鎖到食物既肉汁,另外食物選擇都算多睇落都樣樣新鮮。呢個價位又真係可以令人番轉頭再食過,BTW自助放題形式其實食咩拎咩係真係幾開心,坐定定係度食到BBQ既風味,你又想唔想試下? 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-07
4787 瀏覽
友人知我喜歡周圍食新嘢,所以她一有新發現就馬上通知我,有時還會陪我一起去體驗,今晚就有新驚喜。她喜歡BBQ,但我就最怕在太陽下燃燒着紅紅烈火,所以...唔好預我。不過,佢話今次唔同,可在舒舒服服的環境下燒嘢食,咁特別!原來來到一間叫「自家燒吧」。晚餐2小時放題,有三個時段,不同時段收費不同。餐店地方不算很大,但設有闊落的四人座,還有一行四人卡座,走入一點還有兩行四至六人枱。灰泥的牆身貼上不同的海報、相片和鐵牌,裝潢平實。枱上設備齊全,除餐具外,正中有個長形的燒爐、放串燒針的桶子、三款醬料(蜜糖燒汁、檸檬茄醬、泰式辣醬)和三款調味料(原味孜然、辣味孜然和花生孜然),還有一本點菜紙,原來除了有自助區食物外,還有即點即製的食物。**********************還未開爐之前,先準備飲品邊燒邊吃。近門有兩大座雪櫃,放滿不同種類的紙包飲品和罐裝飲品,選擇不少。但除此之外,還有一些即點的熱飲和收費的特飲。我倆都熱菊花茶,陣陣菊花的清香,沒有添加糖份,降火消膩,邊喝邊吃串燒最適合。**********************馬上走到自助區,一邊是一串串的燒烤串,另一邊是冷盤熟食。而另一旁還有七款自助熱盤熟食,包括炸餃子、炸魷魚圈、麥樂雞、泰式豬頸肉、炸雞中翼、蒜蓉焗生蠔和咖哩魚蛋。自助冷盤熟食有小餅、泰式鳳爪、和風八爪魚、辣味螺肉、日式沙律杯、DIY沙律、水果和甜品等。一口氣取了兩小碗日式沙律杯、兩款小餅和中華沙律。沙律杯味道不錯,配埋煙三文魚和鰻魚更討我喜歡;中華沙律爽口入味,都不錯。*********************接着就看看點菜紙,由A-F共六款,部份需要額外加錢,有主食和蔬菜類、特色小吃、來多點鮮味、燒烤的最愛和特飲。揀了魚肉豆腐、芝士蒜蓉焗生蠔、蒜香欖油鮮茄天使麵、腐乳通菜和蒜蓉唐生菜。魚肉豆腐外表金黃,好靚仔!彈牙鹹香,口感和味道也好,再encore。芝士蒜蓉焗生蠔充滿蒜香,雖然細細隻,但勝在肉嫩。蒜香欖油鮮茄天使麵用隻靚靚瓷碗盛載,當堂加分。味道雖一般,但天使麵口感佳,加上配料健康又少油,也算不錯。兩款蔬菜都點齊,分別有腐乳通菜和蒜蓉唐生菜,都保持翠綠爽嫩。前者又嫩又鹹香;後者又爽又有蒜香。*********************係時候啦!數數看,自助串燒食品有二十多款,肉類有牛舌粒、牛柳粒、牛肋條、沙嗲豬、蜜汁叉燒、雞翼、多春魚、羊肉;蔬菜菇類有粟米、車厘茄、翠肉瓜、冬菇、秋葵、秀珍菇;還有其他類有魚肉春卷、燒賣、紅腸、芝士腸、龍蝦丸、牛筋丸、菠菜丸、蟹籽丸、包心丸、台灣腸、菠蘿、綿花糖等。轉轉轉,轉出第一轉。先選了羊肉、沙嗲豬、魚肉春卷、菠菜丸、車厘茄和粟米。燒一燒,再掃上不同醬料,待變金黃或見有細泡泡就差唔多啦!羊肉蘸上孜然粉更美味;沙嗲豬已烹調入味,肉質腍嫩;魚肉春卷燒到外脆內彈牙;而粟米和車厘茄都清甜多汁,encore!轉轉轉,轉出第二轉。今轉是全肉,再來沙嗲豬和羊肉外,還有牛舌粒、牛柳粒、牛肋條和蜜汁叉燒。最喜歡牛肋條,肉味濃且調味不錯,嫩肉夾雜油脂和筋膜,好有咬口。蜜汁叉燒甜甜地,也很入味,肉質同樣腍嫩。轉轉轉,轉出第三轉。輪到轉出全菇菜,有粟米、車厘茄、翠肉瓜、冬菇、秋葵和秀珍菇,我就覺得自己掌握的時間剛好,爽嫩兼存汁液,讚!*******************最後當然是甜品時間,甜品有雪糕、牛奶樂、芝士蛋糕、牛奶布丁、啫喱和馬卡龍。我倆的甜品餐配搭了雪糕、牛奶樂、牛奶布丁和馬卡龍,還有水果、燒菠蘿和燒棉糖。牛奶布丁挺香滑;西瓜和菠蘿都甜美多汁;最吸引還是暖暖地的燒菠蘿。燒棉糖就令我想起兒時,半溶的棉花糖令人心甜....----------------------------果然不用在太陽下燃燒着紅紅烈火燒烤,只是對着小燒爐,望着迷你版的燒烤針不斷轉動,真係轉出新玩意,有趣!有趣! 繼續閱讀
(以上食評乃用戶個人意見 , 並不代表OpenRice之觀點。)