蝦蝦燒

營業中

休息中

朋友帶咗我去一間樓上流水蝦場,可以自己即夾即燒大頭蝦,仲有多款海鮮、串燒任燒任食,而且加一蚊有埋火鍋打邊爐,真係超級豐富!!!一坐低就送上每人一串白鱔,魚肉肥美,魚皮燒到脆卜卜,好好味！每枱邊位都靠近長長嘅大水缸,自己夾嚟燒,蝦頭仲好多蝦膏,肉質好彈好鮮甜,真係超滋味!自取區食物種類繁多,海鮮有生蠔、帆立貝、鮑魚、魚、大蜆、沙白等等！肉類都有超多選擇,豬、牛、羊、雞、香腸、丸、菇、 蔬菜全部都有,仲有我鍾意嘅蒜蓉包,好驚喜！飲品亦有不少選擇及多款杯裝雪糕！真係包羅萬有！