滾得囍宮廷火鍋小炒 (已改名) 查看

穿越時空，今次回到清朝，北角依間「滾得囍宮廷火鍋小炒」嘅宮廷裝修、擺盤、紙巾等等都好襯主題，如果屋企有小朋友，就更加啱帶佢哋嚟打邊爐，因為有古裝服飾着，又有龍椅坐，最緊要有美食食，另外，依度嘅店員會主動幫顧客用熱水洗碗筷、加湯。*此餐廳收取加一服務費。貴妃出浴手切本地牛肉（單點$348），砌成花型嘅牛肉猶如貴妃，牛肉要先浸過玫瑰花瓣牛奶浴2分鐘之後才方可食用，所以先有貴妃出浴依個咁詩情畫意嘅菜名，牛肉肉質食落會更加嫩滑，牛味濃厚，而且食落帶有花香。半隻康熙花膠雞湯鍋（單點$318），超足料，有兩大片超厚花膠，見到店員剪花膠嗰陣都要用比較大力先剪得到，口感滑溜，充滿膠原蛋白；雞肉，份量多，肉質嫩滑，雞味濃香；雞湯經過熬煮八小時，味道濃郁，加上煮過花膠，飲落好濃稠，即使加湯都會係加翻雞湯，所以唔會溝淡咗。四粒手打墨汁墨魚丸（單點$88），採用墨魚、墨汁製作，口感彈牙，食落有雙重鮮味。滾得囍五色拼盤（單點$88），包括有蕃茄、蓮藕、櫛瓜、紫淮山片、馬鈴薯。秘製鹹蛋黃醬黃金雙拼（單點$88），響鈴、魚皮都好大嚿，表面鋪滿鹹蛋黃醬，口感鬆脆，但略嫌偏向油膩，稍欠乾身，味道鹹香。白牛栢葉（單點$6