東京築地拉麵 (已結業)

一直對日本食物非常有情意結, 所以呢日嘅午飯, 都特意揀間日本食店, 滿足一下自己!見到餐牌設計簡約, 但選擇眾多, 所以絕對可以大吃大喝。先黎一杯透心涼嘅泡泡抹茶, 抹茶味十足, 味道帶點原始嘅苦澀味, 但加有豆腐及忌廉, 又係一杯吸引人嘅飲品。三文魚刺身, 每塊非常厚身, 新鮮肥美, 食日本野點少得佢; 味付螺肉, 醬汁一如以往嘅吸引同惹味, 肉質亦彈牙至極, 係必點嘅前菜小食!泡菜餃子雞翼: 先將雞翼位拆骨, 再壤入泡菜, 但雞翼內既泡菜完全唔辣, 適合男女老幼。除左泡菜之外, 亦有雞肉餡, 將外皮煎得香脆, 肉汁豐盛!!免治雞肉及燒雞軟骨亦好啱我口味! 免治雞肉烤外皮脆脆, 但內裡卻入面則軟熟而入口, 層次豐富。雞軟骨串, 咬下去爽爽, 同樣具有口感!!蒜味牛柳粒, 非常值得推介!! 牛柳極具牛香味, 質地嫩口, 食落無'渣', 配以蒜蓉快炒, 食味程度升級!呢度嘅燒海鮮亦非常出色! 黃金焗帆立貝皇、燒秋刀魚、燒青口都係極具質素! 帆立貝配上適量嘅芝士, 味道非常合拍, 亦保存著海鮮嘅鮮味! 而青口保身都啖啖肉, 係香蔥吊味下, 更顯出好味之處!!