陵發潮州白粥 (已結業)

同爸爸餞行，無心插柳上錯巴士去左太子，方圓十里最近就係陵發，就冷冷之夜去打冷啦，對上光顧已經一年前，味道有D模糊，只記得印象唔差，時間6:30左右，好容易搵到位，坐低望望張A4過膠兩面餐牌，D字大大隻，就知選擇唔多，我哋例牌叫一鍋蠔仔粥，一碟大鵝件，一碟煎蠔餅，一條烏頭魚，一碟南乳豬手，碟碟好味；最怕出面D蠔仔粥得個鹹字，陵發嘅蠔仔粥好飲又好食，D蠔大大粒好有蠔鮮味；鵝件肉多，肉淋有鵝味；蠔餅一樣蠔多，但略嫌佢炸得油在少少；烏頭魚唔係我飛弗，但見大條仲有烏頭魚黃油，我阿嫂成條食得乾乾淨淨，佢話very 骨；碟豬手都好淋好啱味，我老爸夾得最多就係墊喺底嘅炆花生，佢真係知寶👍🏼