鵜舞

營業中

休息中

本身我 best friend 特登出來荔枝角同我補祝生日，諗住呢間好多好評，朋友食過晚餐都讚先揀佢試下，點知真係有啲受氣。明明一早訂好位，但係叫我等，一係坐 bar 枱，咁我做咩要訂位呀？講真有啲嬲豬，所以特登開咗呢個 post。 我哋叫咗佢個和牛定食（都要成 $350 㗎），同埋經理介紹嘅便當定食。其實個定食嘅份量都大份嘅，我哋兩個女仔係食唔晒 2 個定食嘅。不過有啲唔明嘅係，佢明知個定食個食物盤咁大，但係又 set 到座位咁窄？以呢個價錢，我覺得我可以坐得舒服啲。講返佢嘅食物，味道係唔錯嘅，和牛烤完仲 keep 到 juicy 嘅感覺。另外味噌湯都飲得出唔係用粉沖出來，都叫就有啲心思啦。定食又有我每次食日本嘢必食嘅茶碗蒸，亦都做得唔錯係滑滑嘅。另外那個便當係豐富嘅，有刺身有炸物有關東煮又有燒牛肉。無奈嘅係，我哋食完和牛定食先送上呢個便當就有啲慢，雖然我哋 share 嚟食，但始終有啲趕時間，點菜時又唔講明要等耐啲喎。 其實去餐廳食飯，除咗好嘅食物質素外，服務態度都真係好重要。味道係好嘅，可以比多一次機會佢嘅晚餐咁多。但係，如果下次都係咁，我真係唔會再幫襯啦！