火鍋撚 (雲明行) (已結業)

天氣已經轉凉啦！好想去打下邊爐應吓節，今晚黎左呢間收藏左好耐既火鍋撚打邊爐。火鍋湯底我地叫左蜂巢豆腐白湯鍋。上枱已經聞到好香嘅藥材味！入面有好多大棗、桂圓、花椒、大䓤等等，仲有主角蜂巢豆腐同鴨血。蜂巢豆腐索晒啲湯好入味，而且軟綿綿，口感一啲都唔粗糙。而鴨血亦都好滑，唔會有腥味。梅花豬肉擺成一朵朵玫瑰花好精緻，份量亦都唔少。味道方面，入口唔會成口油，少少煙軔口感唔錯。令我印象深刻就係流心咸黃豬肉丸，未食過有咸蛋既肉丸，所以忍唔住點左，食落感覺好神奇，有啲似食熱既月餅咁，值得一試。值得推薦嘅係黑松露墨魚滑，身為黑松露迷既我被升級版既墨魚滑俘虜左，黑松露味好香，墨魚滑爽滑，下次再去一定再食！👍😋仲有幾特別嘅午餐肉菜甫餃，第一次見用午餐肉包餃子，都想試下咩味。點知一咬落去就有種熟悉嘅感覺，原來就係好似梅菜肉餅，雖然又有菜甫又有午餐肉，但味道唔會太鹹！仲叫左娃娃菜同金菇，娃娃菜鮮嫩冇渣。👍最後仲有打邊爐唔少得既響鈴同粉絲，呢兩樣餸索哂個湯底，真係好正！柑桔檸檬水夠冰凍，酸酸甜甜嘅味道好開胃，配打邊爐真係絕配！大暑手工啤酒既麥味濃，甘甘地都幾特別。好適合飯後傾偈飲。👍