Trois Cafe (已結業)

去到發現餐廳門口連同個特色圓形窗都佈置咗色彩繽紛嘅插畫，先知道原來呢度會久唔久搞搞新意思（包括佢哋嘅menu）🤩👏🏻 一入到去，嘩😍 連入面都佈置到好似去咗布吉島咁🤣🤣黑松露小籠包從來未食過咁特別嘅小籠包！小籠包開口位置有黑松露，好怕啲餐廳淨係俾得嗰少少🤏黑松露你，甚至乎係開稀咗嘅黑松露碎碎😫 呢度就冇呢個問題，份量都幾慷慨😝👍🏻跟餐嘅蘑菇湯都好好飲呀👏🏻，口感creamy，味道帶少少炒過菇嘅牛油香～龍蝦大蝦扁意粉嘅蝦肉煎香過，爽滑彈牙勁新鮮，配上炒至軟爛入晒味嘅鮮甜車厘茄同埋濃厚嘅醬汁，絕對係水準之作‼️😍😍好難得有餐廳肯經常花時間用心佈置，以及研究一啲新菜式同甜品，欣賞餐廳嘅誠意💯❤️❤️