影片
更多
2021-09-22
4914 瀏覽
一星期前book位無理想時間，只book倒1:45，今日中秋放半日想fine dining 下，咁都照食啦！地面門囗同通向Landmark 商場嘅門口都停用，真心唔方便，咁唯有上返Landmark 2樓嘅入囗，餐廳位於7樓，上到去唔止一間餐廳，由一位同事集中處理, confirm 客人booking 同埋scan 安心出行。經過自動門進入Amber ,如果以米芝蓮二星嘅標準嚟講檯擺得有少少密，近門囗位置樓底較矮，中庭位置樓底先相對OK.我地入坐其他檯食到如火如荼，所以對我地呢檯有啲怠慢，攞個menu都要10分鐘😑。水方面我地要Tap watermenu 有三款，分別三個course 798， 四個course 998同六個 course 2088, 其實之前打嚟問過星期六日同公衆假期只有六個course 嘅menu , 而今日中秋唔係紅日就跟weekday menu.餐前小食有呢支倒轉咗嘅珍寶珠，嚟之前放低兩個圓碟，一大一細，其實我諗唔明點解食呢支珍寶珠要用兩個碟🤔，不過我地無理，照揸住支棒棒食算，呢支係鵝肝慕絲，估唔倒鵝肝可以咁演繹，確實有心思，而且面有啲酸酸地，所以唔會漏，發揮倒開
地面門囗同通向Landmark 商場嘅門口都停用，真心唔方便，咁唯有上返Landmark 2樓嘅入囗，餐廳位於7樓，上到去唔止一間餐廳，由一位同事集中處理, confirm 客人booking 同埋scan 安心出行。
經過自動門進入Amber ,如果以米芝蓮二星嘅標準嚟講檯擺得有少少密，近門囗位置樓底較矮，中庭位置樓底先相對OK.
我地入坐其他檯食到如火如荼，所以對我地呢檯有啲怠慢，攞個menu都要10分鐘😑。
水方面我地要Tap water
menu 有三款，分別三個course 798， 四個course 998同六個 course 2088, 其實之前打嚟問過星期六日同公衆假期只有六個course 嘅menu , 而今日中秋唔係紅日就跟weekday menu.
餐前小食有呢支倒轉咗嘅珍寶珠，嚟之前放低兩個圓碟，一大一細，其實我諗唔明點解食呢支珍寶珠要用兩個碟🤔，不過我地無理，照揸住支棒棒食算，呢支係鵝肝慕絲，估唔倒鵝肝可以咁演繹，確實有心思，而且面有啲酸酸地，所以唔會漏，發揮倒開胃作用。
另一款係青囗BB配食用花同脆脆，同樣有個酸酸地個汁等大家開下胃，而青囗BB都好新鮮。
好，嚟到呢度上麵包sourdough , 咁終於明兩個圓碟嘅用處，就係放橄欖油同食麵包嘅，好明顯次序係錯咗😏，一向法國餐都係上麵包先，而且呢度連牛油都無主動提供實在有小小失禮咗米芝蓮二星嘅稱號，講返個包，嚟到係熱嘅，呢種包應該係外脆內軟嘅，中環有兩間麵包店都做得好好，呢度個面就有啲偏硬嘅，不過我幾欣賞先放一個（共四件），我地食完後佢再問要唔要添，咁唔會浪費食物🌍。
starter 方面waiter 推薦我地加298要個魚子醬慕絲, 唔係menu 上加248 嗰個，佢話呢個係招牌，同埋menu可以調動嘅，所以我地就試下加咗一份，而starter 同main course 都係按佢提意嘅，所以未必對倒menu .
呢個賣相係堂皇嘅，滿滿嘅魚子醬面有少少金箔🌟，兩塊紫菜脆片坐落於石春之間實在係視覺盛宴，食法係咁嘅：將脆片分細份，再用羹加少少魚子醬上去食，咁嗰碗當然唔係全碗魚子醬啦，中間係有啲海膽，啫喱，底係有啲慕絲，其實我覺得整體有啲鹹嘅。
另一個starter 係魚生，面有啲食用花，中間有厚切嘅油甘魚，底係蕃茄，魚生好新鮮，已切好嘅蕃茄再拼返埋一片可以食得方便同斯文👍。
Main course 我地要鵪鶉，上碟真係好靚好吸睛，將最有肉嘅部份選出嚟好似扒咁煎實在貼心👍，好多法菜都係原隻上，食起嚟好失儀，啡色嘅係蘑菇汁，超香，好濃味💗。
另一個main course 要咗魚，嚟到同樣係精彩嘅賣相，面有兩塊葉，中間係唔常見嘅疏食，另有魷魚，底係兩件呈半圓柱嘅魚。
甜品方面選咗蜜瓜 ，用個透明器皿盛住，面係兩塊烘過嘅葉，所以囗感係脆嘅，中間係新鮮嘅生果，底係啫喱😌。
另一款係Raspberry 嘅黑朱古力，面嘅醬酸酸地，再配65度黑朱古力。
最後餐飲叫咗Mocha , 唔夠熱唔好飲😑。
跟餐再送三款甜品同一杯凍啡。
新鮮生果
有百香果同提子，提子好甜，不過多核同皮唔好食，百香果好酸，好少人會直接咁食。
朱古力貝殼蛋糕好味，朱古力好香濃。
亞麻籽餅健康，不過已經好飽，味蕾疲勞都分析唔倒太多，而且餐廳4:00 close, 已主動遞咗單俾我地。
凍啡唔好飲
走時送咗朱古力俾我地
張貼
