影片
更多
2022-11-19
37 瀏覽
深水埗同太子近年開了唔少文青cafe，今日試左呢間新開嘅Marshal King，食物質素幾好，原本食得幾開心，不過食食下竟然發生左小意外裡面裝潢簡潔清雅，座位闊絡我地點半鐘去到，仲有得叫午餐，店員特別推介我地要試下佢地嘅奶茶同檸茶，唔係沖粉，而係用茶膽沖製檸茶唔算好驚喜，但奶茶嘅茶味就真係好香濃突出，奶同茶嘅比例配搭得剛剛好是日餐湯：紫薯湯第一次飲，頭2啖有d飲唔慣，但飲飲下又幾好飲，好滑，入面嘅黑椒唔會令人覺得辣，而係暖胃嘅感覺，遲d天氣再凍d就更啱飲厚切豬扒配日式醬油溫泉蛋黑松露菌忌廉汁飯豬扒幾厚身、juicy，帶骨豬扒煎起黎亦特別香口香烤果仁碎青醬慢煮雞胸意大利飯好香而不覺膩嘅青醬，雞胸嫩得黎，外皮又煎到好香！原本成個用餐過程都好開心，又坐得舒服，好Chill，點知食食下有「飄雪」效果！有幾粒灰跌左落杯奶茶入面，原來係張枱正上面嘅天花！同店員反映，店員即刻耍冧，又換枱+封左我地原本張枱同隔離嗰張唔再俾客坐，又驚其他野食有灰，野飲同2個飯都重新整過俾我地(其實都食左一半)，又free左我地全張單。原本有d嬲嬲地，但佢地嘅處理方法好有誠意同埋封枱呢下都見到佢地有承擔，唔係諗住下一輪
不過食食下竟然發生左小意外
裡面裝潢簡潔清雅，座位闊絡
我地點半鐘去到，仲有得叫午餐，店員特別推介我地要試下佢地嘅奶茶同檸茶，唔係沖粉，而係用茶膽沖製
檸茶唔算好驚喜，但奶茶嘅茶味就真係好香濃突出，奶同茶嘅比例配搭得剛剛好
是日餐湯：紫薯湯
第一次飲，頭2啖有d飲唔慣，但飲飲下又幾好飲，好滑，入面嘅黑椒唔會令人覺得辣，而係暖胃嘅感覺，遲d天氣再凍d就更啱飲
厚切豬扒配日式醬油溫泉蛋黑松露菌忌廉汁飯豬扒幾厚身、juicy，帶骨豬扒煎起黎亦特別香口
香烤果仁碎青醬慢煮雞胸意大利飯
好香而不覺膩嘅青醬，雞胸嫩得黎，外皮又煎到好香！
原本成個用餐過程都好開心，又坐得舒服，好Chill，點知食食下有「飄雪」效果！有幾粒灰跌左落杯奶茶入面，原來係張枱正上面嘅天花！同店員反映，店員即刻耍冧，又換枱+封左我地原本張枱同隔離嗰張唔再俾客坐，又驚其他野食有灰，野飲同2個飯都重新整過俾我地(其實都食左一半)，又free左我地全張單。原本有d嬲嬲地，但佢地嘅處理方法好有誠意同埋封枱呢下都見到佢地有承擔，唔係諗住下一輪客唔知，就由人繼續坐。其實入面先得6張枱，封左兩張，都唔知佢點做生意🙈我地都唔係咁好意思唔俾錢，話都重新整過就算啦，但店員都堅持唔收錢。
以食物質素同服務黎講佢地真係無得彈，係好值得推薦同再去嘅餐廳，希望下次我地再去嘅時候，相關嘅問題已經解決左
張貼
