影片
港鐵太子站 D 出口, 步行約5分鐘
繼續閱讀
開飯介紹
以白色作主調、走文青風格的西式小店，店門前更設有少量戶外座位；其多國菜有多款口味，小食香口，佐酒一流，而且定價合理。
繼續閱讀
營業時間
星期一至日
全日休息
公眾假期
全日休息
公眾假期前夕
全日休息
以上資料只供參考, 請與餐廳確認詳情
招牌菜
中午去咗基隆街搵朋友食飯，佢揀咗間叫「Marshal King」嘅餐廳，店名幾霸氣😎。門口設有室外座位，可帶埋寵物一齊幫襯。餐廳設有八款午市套餐🍽，價錢由$68至$98不等，跟餐湯同熱飲。考慮到份量都幾多，價錢可接受。食肉獸嘅我哋一人嗌咗一個扒餐🥩，有肉又有主食，好難唔飽囉。紐西蘭殼飼西冷牛扒配紅酒牛油汁($98)，🐮牛扒賣相幾靚仔，食落肉味都濃，但煮得稍為熟啲，所以口感少韌；而紅酒汁配紅肉幾夾。主菜要咗意粉，估唔到係用上扁意粉，口感彈牙🍝。香煎厚切豬扒配新德里咖喱汁($88)，🐷我認為豬扒唔算厚切，不過就有成兩大塊，肉質OK，冇醃到過火。🍛咖喱汁偏向港式風味，香而不辣，老少咸宜；食咖喱配飯就最適合不過。飲品方面🥤，雖然凍飲要加$5，不過堅係大杯。店員推介飲港式絲襪奶茶，果然係唔錯，茶底唔澀、口感順滑。另一杯就要咗草莓乳酸特飲(半價$21)，甜酸味道幾特別，但甜咗少少。總括嚟講，呢日食咗大塊肉扒午餐，夜晚都近乎唔使食😆。午餐選擇集中幾款，睇餐牌晚市好似多元化啲。題外話，餐廳環境幾好，裝修簡約舒服。
繼續閱讀
星期天最喜愛帶上家人或者約下朋友來個悠閑聚餐，此處地點不太靠近地鐵站，但係要找尋此餐廳小店亦不太難找。餐廳門外也放上一張餐枱，喜歡室外進餐既客人可揀選此枱有多款西式食品可供客人選擇Order了一個二人午餐，先上餐湯, 是日係紫薯湯，此款餐湯係其他餐廳好少提供粟米汁，充滿濃郁粟米味，味道天然草莓酸梳打 ，好夠冰凍，滿滿草莓味德國咸豬手配酸菜，店員先逢上整隻豬手給你看看，然後會再拎走幫你切開容易進食，咸豬手皮焗到非常脆脆，內裏肉質煮到剛剛好熟，不會太鞋口。炸薯條，即叫即炸，上枱時是非常熱辣辣的，散發出新鮮氣味，點上旁邊預備好的沙津醬，吃到停唔到口👍🏻蒜蜜烤雞翼，雞肉嫩滑香檳菠菜忌廉蜆肉意粉，真心推介！蜆肉鮮甜，意粉煮到彈牙，因為本人好怕吃太淋既意粉
繼續閱讀
好耐冇出去打卡喇，朋友介紹我哋呢間餐廳，佢話餐廳係新開，叫我哋嚟試一試佢。我哋一行到到餐廳門面，就覺得幾新淨光猛，餐廳嘅招牌係白底黑字，都幾精神下。另外餐廳都有張餐牌放大放喺出面，可以揀啱心水餐之後先至入去，唔使入到去又出返嚟撳尷尬👍因為本來都係為左試呢間餐廳，所以我哋就直接入咗去啦。我哋去嘅時間係中午，所以就叫咗佢哋嘅兩個午餐。 上到嚟餐廳就送咗兩個南瓜湯先，南瓜湯係直接用咗南瓜蓉打碎，而且食到厚厚嘅忌廉味，食落酸酸甜甜幾開胃。我哋第一個午餐係龍利柳配白飯，有跟到個白汁。魚柳炸得香脆，但係又唔會太乾身，另外應該係有預先調味，所以就算唔點汁都夠味，但係當然要試一試佢個汁。 白汁配上魚柳又有再在將食物在昇華，唔經唔覺成個飯就食曬👍第二個午餐係西冷牛扒配露絲瑪莉汁，另外有跟到一個白飯。 相比肉眼我更加鍾意食西冷，因為西冷更能夠帶出牛肉嘅香味，呢度嘅西冷牛扒都煎得幾好，食得到幾香濃嘅牛味除此之外，呢度嘅奶茶都唔錯
繼續閱讀
喺太子做嘢咁耐，一直都係食開啲餃子，或者係茶餐廳，咁啱發現呢度開咗間西餐店，一於撞正中午食飯時間試一試。🔥🔥由於係中午時間， 餐廳人流都頗多，咁啱搵到張空枱，梗係過去坐低埋為先。餐廳如果喺太子站行過去，都要10至15分鐘，但係路線都幾方便一條直路轉埋個彎就可以到。老闆娘介紹話呢度嘅牛扒唔錯，所以我就叫咗牛扒飯，而我個朋友佢就叫咗豬扒飯。我份牛扒一上到嚟，分量果然唔細，有差唔多成塊手掌咁大，而且，牛肉味幾重，另外仲有配到醬汁，如果大家覺得唔夠味仲可以點。👍而我朋友個飯就仲吸引，個豬扒普通大細，但係最吸引係個醬汁，居然係黑松露醬，成餐飯都畀佢個醬汁吸引住我，趁佢唔為意偷食咗幾啖，果然唔錯❤️❤️除此之外我哋叫咗兩杯奶茶一凍一熱， 本來以為好似普通嘅奶茶質素，飲落個茶底好特別，原來餐廳用自家製嘅茶底黎沖，有少少玫瑰花香👍
繼續閱讀
放工行過，見到新開嘅餐廳🍴外表裝修都不錯，幾有文青feel，亦適合朋友聚會傾下計👯👯♂️成個感覺，好乾淨，好清新都dinner set 亦有得散叫南瓜 🎃餐湯好creamy和濃味，而且南瓜本身好甜😆自家製港式絲襪奶茶☕️真係好少餐廳仲咁有心會自家製🤫真係好好飲，茶味濃芝士素菜烤珍寶大啡菇幾惹味☺️芝士佈滿係面主菜真係好高質香草🌿南瓜🎃慢煮雞胸意大利飯🇮🇹南瓜飯真係超好食😋做到粒粒分明嘅口感，同時吸盡南瓜味道🤤好好食👍🏻而且慢煮雞胸幾嫩重點推介🤫幕尼黑脆香珍寶豬手配酸菜條配自家製柚子沙律醬，超夾做到外皮勁脆而且啲肉勁嫩處理得好好👍🏻完全冇尿so味，而且十分入味，值得一讚
繼續閱讀