影片
更多
2021-05-19
803 瀏覽
香港人真係好鐘意「打邊爐」，莫講話冬天，就算30幾度既夏天，開大冷氣，又可以再食過。相信近日最火紅的火鍋店，就一定係「香江花月」。做生意梗係希望放多兩張檯，擺得有咁密得咁密，但「香江花月」不單坐位間闊落，而且為怕客人等候，竟然另闢一間房，擺設似日本的teamLab，內裡波波幻化出不同色彩，影相打卡一流。而餐廳本身裝潢以五六十年代為主調，充滿了紙醉金迷的氛圍。可能太受歡迎，餐廳分兩輪時間，因為要遷就大家放工，所以選定了8點時段。飲品啱啱好4個人，餐前先來4杯特色飲品，包括了鳳琉香、瑰洛月、蝶中花、翠竹江（$68/杯），幾款飲品賣相一流，自己點了翠竹江，感覺似Mojito，但個人覺得比較甜，味道還是不錯的。小食反正要等朋友，小食就點了避風塘三蔬（$58）及黃金炸魚皮（$68）。三蔬是南瓜、淮山及地瓜，脆漿可以更薄，油份不算多，但真係幾勁辣。而魚皮真係好邪惡，熱辣辣又滿了咸蛋黃的香味，送啤酒一流。湯底日本牛乳玫瑰鍋（$168）放上兩朶用日本牛乳雪成的白玫瑰花，又係一個影相位，睇住花朶慢慢溶化，下邊是木瓜肉，難怪湯底咁甜。香江拼（$788）千呼萬喚，主角終於出場手切肥牛、牛柳粒、安格斯肥牛、牛
香港人真係好鐘意「打邊爐」，莫講話冬天，就算30幾度既夏天，開大冷氣，又可以再食過。
相信近日最火紅的火鍋店，就一定係「香江花月」。
做生意梗係希望放多兩張檯，擺得有咁密得咁密，但「香江花月」不單坐位間闊落，而且為怕客人等候，竟然另闢一間房，擺設似日本的teamLab，內裡波波幻化出不同色彩，影相打卡一流。
而餐廳本身裝潢以五六十年代為主調，充滿了紙醉金迷的氛圍。可能太受歡迎，餐廳分兩輪時間，因為要遷就大家放工，所以選定了8點時段。
飲品
啱啱好4個人，餐前先來4杯特色飲品，包括了鳳琉香、瑰洛月、蝶中花、翠竹江（$68/杯），幾款飲品賣相一流，自己點了翠竹江，感覺似Mojito，但個人覺得比較甜，味道還是不錯的。
小食
反正要等朋友，小食就點了避風塘三蔬（$58）及黃金炸魚皮（$68）。
三蔬是南瓜、淮山及地瓜，脆漿可以更薄，油份不算多，但真係幾勁辣。
而魚皮真係好邪惡，熱辣辣又滿了咸蛋黃的香味，送啤酒一流。
湯底日本牛乳玫瑰鍋（$168）
放上兩朶用日本牛乳雪成的白玫瑰花，又係一個影相位，睇住花朶慢慢溶化，下邊是木瓜肉，難怪湯底咁甜。
香江拼（$788）
千呼萬喚，主角終於出場手切肥牛、牛柳粒、安格斯肥牛、牛展、牛白肉、牛心頂、牛柏葉及牛脷。
個人推薦，近年多人食既牛白肉，但我一向叫開「牛胸油」，薄切後灼十零廿秒已經食得，好爽口。
手切肥牛就灼至啱啱熟最好，過火就怕韌。
至於牛柏葉同牛脷之類內臟同樣無須灼太耐，可能太吸引，同行女士都照食可也。
三色餃有黑松露長腳蟹餃（黑）、芝士鮮菌餃（橙）及野生松茸餃（綠）。
自製三色墨魚丸（$78）有鹹蛋黃、黑松露及蟹籽，咬落彈牙，個人幾鍾意味道豐腴的鹹蛋黃味。
冬甩墨魚果籽（$78）外形有點似魚皮餃，餡料加入了果仁碎，但口感未必人人喜歡。
花花綠綠（$98）今次放棄澱粉質，改食大量菜蔬，夠晒健康，蔬菜籃有車厘茄、生菜、油麥菜、菜心、白菜、皇帝菜、娃娃菜、粟米芯及南瓜片，種類多，份量足，食完飽晒。
不過餐廳太受歡迎，而且限聚令下，坐位較少，所以要分兩輪，而次輪基本上要過八點先入座，因此食得較急，建議得既食頭輪，又或者未入得場就去teamLab房打下卡先。
張貼
