秋田鐵板燒刺身專門店

營業中

休息中

已經幫親左依度好幾次，不過真係百試不厭，服務非常好、出品又新鮮又好味，又有板鐵表演又有魔術睇，間中仲有得免費試飲試食，好喜歡依度，每次都食足兩個半鐘，但開心真係好快過 ~ 叫支清酒一路飲、一路傾計、一路慢慢食，依啲先係享受 ~墨魚籽鵝肝蒸蛋，又滑又香，熱辣辣，好味，師父話頭盤係送既。活伊勢龍蝦，好新鮮，札札跳，即劏即煎。加埋龍蝦膏、香草牛油汁，好好味。有時啲朋友仔睇到眼濕濕，佢地唔係感動，話好殘忍喎。火焰龍蝦頭麵豉湯，係鐵板用酒燒完就攞去滾麵豉湯，但個湯只得麵豉味，真係無龍蝦味 ~活九孔鮑，好生猛啊，郁郁吓，放係面度仲識啜住喎。用香草牛油炒，唔錯啦，最緊要新鮮。銀雪魚，煎得好香口、嫰滑多汁，無過熟，幾好。香煎鵝肝，好肥味呀，熱辣辣配法包好正 ! 哎吔，辣親個咀同條脷喇 ~煎廣島蠔，超新鮮、好濃烈既蠔味、好滑，食完啲餘香仲留係口度好耐，配埋櫻花蝦一齊食，好香口，正呀 ~澳洲和牛牛肩，牛味比起日本和牛濃，無咁啖口，配埋蒜片勁香，師父話要食牛堅要七成先好食，我食牛一向食開三成，無緊要信佢啦，都唔錯 ~櫻花蝦炒飯，師父免費加料，變成鵝肝櫻花蝦炒飯。但朋友玩切公仔同拋蛋玩得太耐，搞到乾晒好難食。