影片
更多
2018-09-18
202 瀏覽
終於有機會去中環食「Shake shack」。剛開張的時候要排兩個鐘，當然唔去住。而家過左高峰期，人龍係冇左，但依然全店滿座的，唔係眼明手快都頗難搵位。有人話佢係高級版麥記，此言非虛，由落單至取餐攞調味料都係自助式。不過，價錢同味道當然不能相提並論。本來想試最基本的Shack burger（即芝士漢堡），但聽聞佢的蘑菇好食，就改試Shack Stack（$86），即係Shack burger再加原塊炸蘑菇。麵包鬆軟，漢堡扒亦做得出色，調味得宜，唔會乾爭爭，炸蘑菇表面香脆，內裡juicy，只係因為係原塊，咬一口就已經成塊扯左出來，有點狼狽。有burger點可以冇薯條，Cheese fries（$36）唔係唔好食，條條炸得金黃，一點燶都冇，只係芝士醬落得太孤寒，除左中間一pat，其餘都要靠茄汁增味。漢堡包、薯條最佳配搭當然係奶昔，香港店有限定版的Milk Tea shake（$42），但唔好期望係港式奶茶味道，佢係用雲呢拿加黑茶製成，茶味唔重，只得好濃郁雲呢拿味，幾甜，不過勝在夠滑夠厚身。中環特別多漢堡包店，Shake shack唔算特別突出，只係定價比一般專門店低少少，比較大眾化。畀我選
剛開張的時候要排兩個鐘，當然唔去住。而家過左高峰期，人龍係冇左，但依然全店滿座的，唔係眼明手快都頗難搵位。
有人話佢係高級版麥記，此言非虛，由落單至取餐攞調味料都係自助式。不過，價錢同味道當然不能相提並論。
本來想試最基本的Shack burger（即芝士漢堡），但聽聞佢的蘑菇好食，就改試Shack Stack（$86），即係Shack burger再加原塊炸蘑菇。麵包鬆軟，漢堡扒亦做得出色，調味得宜，唔會乾爭爭，炸蘑菇表面香脆，內裡juicy，只係因為係原塊，咬一口就已經成塊扯左出來，有點狼狽。
有burger點可以冇薯條，Cheese fries（$36）唔係唔好食，條條炸得金黃，一點燶都冇，只係芝士醬落得太孤寒，除左中間一pat，其餘都要靠茄汁增味。
漢堡包、薯條最佳配搭當然係奶昔，香港店有限定版的Milk Tea shake（$42），但唔好期望係港式奶茶味道，佢係用雲呢拿加黑茶製成，茶味唔重，只得好濃郁雲呢拿味，幾甜，不過勝在夠滑夠厚身。
中環特別多漢堡包店，Shake shack唔算特別突出，只係定價比一般專門店低少少，比較大眾化。畀我選擇，同樣位於ifc的Big fernand會較為合我口味。
張貼
