影片
更多
2020-11-30
40 瀏覽
呢日喺上環經過La Casa，被入面嘅香氣所吸引，就索性同老公入去買兩個漢堡包解決晚餐。已經好耐冇食過漢堡包啦，所以我哋揀緊嘅時候好期待！120g Classic Beef Burger($85)牛肉配漢堡係最經典嘅口味，一定穩陣好食，不過La Casa嘅漢堡包就喺細節位取勝，佢嘅漢堡烘得外脆內鬆軟，入面嘅牛肉漢堡生熟度控制得剛剛好，肉味濃郁，肉質唔乾又唔嚡，食落肉汁豐盈juicy，簡單配搭生菜同番茄已經好滋味！150g Sliced Sirloin Burger with Port Wine($105)雖然漢堡款式多樣，但我哋兩個牛魔王都鎖定咗食牛漢堡。薄切西冷足足有150g，疊埋一齊非常厚身，大大啖咬落去，同時食到西冷濃郁嘅肉味及油脂香、洋蔥嘅香甜、番茄嘅清新以及橡木煙燻車打芝士嘅鹹香，味道好有層次！由於漢堡無套餐，我哋就散點咗一客薯角($28)。薯角薯味十足，口感軟綿，最鐘意佢送上嘅芝士醬，雖然好邪惡，但同薯角味道真係好夾，唔駛一陣我哋已經極速清晒！如果可以推出小食及汽水套餐就更好啦！
已經好耐冇食過漢堡包啦，所以我哋揀緊嘅時候好期待！
120g Classic Beef Burger($85)
牛肉配漢堡係最經典嘅口味，一定穩陣好食，不過La Casa嘅漢堡包就喺細節位取勝，佢嘅漢堡烘得外脆內鬆軟，入面嘅牛肉漢堡生熟度控制得剛剛好，肉味濃郁，肉質唔乾又唔嚡，食落肉汁豐盈juicy，簡單配搭生菜同番茄已經好滋味！
150g Sliced Sirloin Burger with Port Wine($105)
雖然漢堡款式多樣，但我哋兩個牛魔王都鎖定咗食牛漢堡。薄切西冷足足有150g，疊埋一齊非常厚身，大大啖咬落去，同時食到西冷濃郁嘅肉味及油脂香、洋蔥嘅香甜、番茄嘅清新以及橡木煙燻車打芝士嘅鹹香，味道好有層次！
由於漢堡無套餐，我哋就散點咗一客薯角($28)。薯角薯味十足，口感軟綿，最鐘意佢送上嘅芝士醬，雖然好邪惡，但同薯角味道真係好夾，唔駛一陣我哋已經極速清晒！如果可以推出小食及汽水套餐就更好啦！
張貼
