PHI Coffee & Pancake (卡佛大廈)

營業中

休息中

中環開咗間新cafe，環境好靚，過咗lunch time依然好多人，同為食朋友行完街即刻去試吓先☺️辣蕃茄蟹肉扁意粉我哋都睇中呢個意粉，店員特登提我哋呢個真係幾辣，我哋都對自己太有信心，話冇問題🤣點知佢堅辣😅好彩我哋叫咗好多甜嘢解辣。味道好味嘅，扁意粉都煮得啱唔好，不過唔係好食得辣嘅人千祈唔好試😂梳乎厘pancake有好多款Pancake，我哋諗咗好耐，最後揀咗白色聖誕車厘子疏乎厘，當係提前同好友過聖誕。梳乎厘好滑，奶味香濃，濕潤度啱啱好，好正呀。配上大大粒車厘子，另外加咗球雲呢拿雪糕，真係好鍾意咁嘅配搭😍點解自己係屋企永遠做唔到咁嘅味🥺伯爵茶戚風蛋糕無論係戚風蛋糕定係上面層cream，都食到好濃嘅伯爵茶味，層cream好香好滑，蛋糕口感軟棉，好唔錯。給白色聖誕的咖啡朋友叫咗呢杯咖啡，又係好正嘅聖誕主題。最大嘅特色係有好香嘅玉桂味，我坐對面都聞到，朋友話好飲。提拉米蘇咖啡因為冇叫到Tiramisu疏乎厘，所以我都係決定飲Tiramisu咖啡，所有同Tiramisu有關嘅嘢我都好鍾意。值得一試嘅新cafe，環境舒適，味道好唔錯，價錢又合理。