段純貞牛肉麵 (MONTEREY Place) (已結業)

今日又去段純貞食麵因為好喜歡佢呢度嘅手工麵麵質彈牙唔會淋patpat而且寬身嘅麵好有口感今日叫左麻辣嫩五花牛肉麵雖然湯底加左辣但仍然可以飲到鮮美湯底佢個辣度係惹味程度唔會過辣配上嫩牛肉好好味！媽媽就叫燉濃湯雞手工麵濃湯真材實料完全無味精感覺連雞脾都好入味！雞肉嫩滑，輕咬已經可以骨肉分離我地叫多個紅油抄手試呢個特別驚喜雲吞肉饀好鮮甜彈牙配上辣汁惹味又過癮～呢個正！食完辣再飲返杯正宗台飲香芋珍珠奶茶超正香芋果唔假唔粉就算無得自選甜度甜味都唔太過份唔錯！