鮨文 (已結業)

之前食完元朗鮨文念念不忘，今晚老公帶我食埋紅磡嗰間，開心死我。 紅磡好旺場呢好似多人過元朗。先黎係三文魚子蒸蛋，三文魚子係師傅自己醃製架，甜甜哋一啲都唔喊亦都冇腥味。跟住係刺身，有煙煙韌韌水八爪魚，佢個吸盤仲好爽口。秋刀魚刺身，趕得切季尾仲有得食。師傅加左醬汁，所以好新鮮冇腥味，有一邊係網燒過都好香。白子creamy到不能形容，鮟康魚肝，滑嘟嘟豐富骨膠原，滑過豆腐超正。然後就黎sushi! 針魚，白蝦，金目鯛，八角魚，喜知次，文蛤，拖羅仲有鮑魚同鮑魚肝醬撈飯，鮮甜味到不得了。再黎嘅雲舟盛有成3份1板海膽真係令人嘆為觀止，欲罷不能！仲有個右口魚邊+海鰻+甜蝦做成手卷，炙燒左極豐富油香，幸福感滿瀉。食飽刺身同壽司就飲番個超豐富骨膠原嘅魚湯補補保暖一暖身。最後簡簡單單一片靜崗蜜瓜，今餐真係好滿足。多謝老公。