方榮記沙嗲牛肉專家

營業中

休息中

今次嚟方榮記食，明顯地多咗一批國內同鄉嘅客，但係夥記或者太子爺嘅服務就仍然係好地道，食客唔啱嘅照鬧。當然呢啲睇下大家接唔接受，而我就反而覺得，呢啲大排檔式比較親切。火鍋季節，食咗好多唔同火鍋。當然又唔少得方榮記濃濃嘅沙嗲鍋。一坐低，夥記就上咗一個蔬菜籃，菜幾新鮮。大嘅手切牛肉，一般火鍋店會擺到靚靚咁，而呢度就好家庭式，一堆放起碟上、上面加咗條蔥，望落有啲住家味。桶蠔係中size，大約五隻。鮮蝦大約有五六吋長，一碟有六隻，新鮮爽口。蟶子每隻計，一隻30蚊。洗得都算乾淨，打邊爐灼一灼兩三分鐘，就可以食得。