影片
更多
2017-03-28
377 瀏覽
元朗寿司明人氣店鮨文終於殺入九龍喺黃埔開分店，加埋有港鐵新站真係方便過元朗千百倍無理由唔嚟朝一朝聖啫餐牌同之前都略有分店價錢都有略為調整分左１０００，１５００，同２０００三個級別既omakase１０００只有寿司而１５００／２０００就係刺身配寿司組合今日點左個１５００既試下元朗既大師傅兼老闆坐鎮新店質素應該有保證吧先嚟茶碗蒸告別松露，迎來海膽又係一種鮮味，唔知係咪想突出海膽呢個鮨文既招牌菜呢？日本產既生蠔，味道鮮甜爽口加埋少少酸汁，葱花同蘿蔔蓉絕配新店其中一個招牌菜慢著既八爪魚入口軟滑，食落有少少燒過既焦香得幾舊真係唔夠喉又係新招牌菜之一帶子漢堡？好似係咁叫用紫菜包住件炸至半熟既帶子帆立貝用上新鮮貨，但求唔好出水肉汁只在口中爆發，絕對唔會滴到手上軟滑配香脆，加埋紫菜既香味同口感好有趣既體驗鰤魚，好多人當佢油甘魚其實佢高貴好多佢只係喺深海生活，同埋佢都係天然唔同油甘有養殖佢食落魚味濃好多，同埋肉既纖維比油甘結實識食一定食鰤魚刺身完結奉上既係前菜山芋，即淮山，仲有啲蘿蔔牛榜咁第一件寿司係深海池魚魚味清而不淡，趙落好有魚味竹纖魚，印象中未食過輕輕火炙過聞落有魚油香，食落未有想像中明顯肉質焾滑，
喺黃埔開分店，加埋有港鐵新站
真係方便過元朗千百倍
無理由唔嚟朝一朝聖啫
餐牌同之前都略有分店
價錢都有略為調整
分左１０００，１５００，同２０００三個級別既omakase
１０００只有寿司
而１５００／２０００就係刺身配寿司組合
今日點左個１５００既試下
元朗既大師傅兼老闆坐鎮新店質素應該有保證吧
先嚟茶碗蒸告別松露，迎來海膽
又係一種鮮味，唔知係咪想突出海膽呢個鮨文既招牌菜呢？
日本產既生蠔，味道鮮甜爽口加埋少少酸汁，葱花同蘿蔔蓉
絕配
新店其中一個招牌菜慢著既八爪魚
入口軟滑，食落有少少燒過既焦香
得幾舊真係唔夠喉
又係新招牌菜之一帶子漢堡？好似係咁叫
用紫菜包住件炸至半熟既帶子
帆立貝用上新鮮貨，但求唔好出水
肉汁只在口中爆發，絕對唔會滴到手上
軟滑配香脆，加埋紫菜既香味同口感
好有趣既體驗
鰤魚，好多人當佢油甘魚其實佢高貴好多
佢只係喺深海生活，同埋佢都係天然
唔同油甘有養殖
佢食落魚味濃好多，同埋肉既纖維比油甘結實
識食一定食鰤魚
刺身完結奉上既係前菜山芋，即淮山，仲有啲蘿蔔牛榜咁
第一件寿司係深海池魚
魚味清而不淡，趙落好有魚味
竹纖魚，印象中未食過輕輕火炙過
聞落有魚油香，食落未有想像中明顯
肉質焾滑，由於火炙過，魚味亦相對明顯
活北寄貝去過日本既都知，坐寿司吧位食呢味寿司
師傅一定會打鑊舊北寄貝
好讓佢郁比你睇話你知有幾新鮮
呢度當然都唔少得
鮮北寄貝爽口鮮甜
留意平時紅色邊既熟，唔係生
生既味道係兩個世界
三文魚籽睇嚟師傅對佢地既生文魚籽充滿信心
由於同行友人唔鍾意食，換左款
但師傅都極力推介一試
三文魚籽粒粒圓潤飽滿
卜一聲咬開，鮮甜無比
絕無死鹹既醬油味
牡丹蝦，配上火炙蝦頭膏蝦肉鮮甜，蝦膏甘香
唔洗多講啦下嘛
吞拿魚醬油漬味道啱啱好，不過無乜驚喜
就係好味
海鰻食法似手卷又唔係手卷
一啖啪入口，鰻魚甘香
軟滑口感間又有紫菜既脆作陪襯
招牌出場保持山盛級既氣勢
一大堆既馬糞海膽
加隻甜蝦點綴一下
排山倒海既鮮甜，大滿足
魚湯唔好睇少佢，好野嚟
唔係普通麵豉湯嚟
每日用鮮魚熬制
魚味勁鮮甜，你比十碗我都同你飲晒佢
最後到手卷既環節葱拖羅蓉手卷
一啖啖既魚油甘香
完美終結
師傅見我地牛咁眼望住佢整個北寄貝裙邊原來手卷係另一款係用啱啱隻活北寄貝裙邊做既
師傅整左條比我地試下
同拖羅比真係各有千秋
爽甜同甘香之間我真係唔識點揀
要晒得唔得？
最後係水果日本產青肉瓜
其實我唔係好知點解唔用赤肉
食親日本料理總係跟青肉瓜
可能因為甜味比較清啦
雖然價錢比以前略有調整
但食物都加上唔少創意同誠意
而且選擇亦多左
巿區鋪位較貴，其實加價亦係意料中事
整體都物有所值，值得再試
張貼
