影片
更多
2018-01-30
53 瀏覽
回暖左一排，呢幾日又轉冷了，一凍就想打邊爐。今次朋友提議食長沙灣分店，呢間分店無太子店咁方便係地鐵站附近，長沙灣店無太子咁多人，坐得舒服。入到去凍冰冰第一時間叫雞煲，今次叫左大既雞煲，bb辣，好快雞煲就煮好，上枱時店員會等雞煲煮多陣，等熟透後便會加入麻椒油撈勻，加上煲內加左好香既玫槐露酒，一點火就變成火焰雞煲，觀賞性十足。雞煲叫左大煲，差唔多擺滿哂成個煲，每件雞件都好滑，而且無乜骨可以大大啖咁食。辣度算小，反而麻度十分夠，食食下已經開始覺得咀唇麻痺緊。配料方面叫左響鈴、牛柏葉、手打蝦丸、自家製四式餃、魚皮餃及一些菜。響鈴保持以往水準，香脆可口，牛柏葉份量好多，亦夠爽口。蝦丸一碟有八大粒，有半個拳頭咁大，丸內混入左原粒既蝦肉而製成，不偷工減料。四式餃分別為雲吞、牛肉餃、菜肉餃及鮮蝦水餃，每粒都好大粒好足料。最後，蔬菜亦好新鮮。當日無叫肥牛，埋單700都唔洗 食到咁多野十分抵食
回暖左一排，呢幾日又轉冷了，一凍就想打邊爐。
今次朋友提議食長沙灣分店，呢間分店無太子店咁方便係地鐵站附近，長沙灣店無太子咁多人，坐得舒服。
入到去凍冰冰第一時間叫雞煲，今次叫左大既雞煲，bb辣，好快雞煲就煮好，上枱時店員會等雞煲煮多陣，等熟透後便會加入麻椒油撈勻，加上煲內加左好香既玫槐露酒，一點火就變成火焰雞煲，觀賞性十足。
雞煲叫左大煲，差唔多擺滿哂成個煲，每件雞件都好滑，而且無乜骨可以大大啖咁食。辣度算小，反而麻度十分夠，食食下已經開始覺得咀唇麻痺緊。
配料方面叫左響鈴、牛柏葉、手打蝦丸、自家製四式餃、魚皮餃及一些菜。
響鈴保持以往水準，香脆可口，牛柏葉份量好多，亦夠爽口。蝦丸一碟有八大粒，有半個拳頭咁大，丸內混入左原粒既蝦肉而製成，不偷工減料。四式餃分別為雲吞、牛肉餃、菜肉餃及鮮蝦水餃，每粒都好大粒好足料。最後，蔬菜亦好新鮮。
當日無叫肥牛，埋單700都唔洗 食到咁多野十分抵食
張貼
