金子半之助 (新都會廣場) (已結業)

今日約咗朋友去新都會廣場影商場佈置，好有節日氣氛，順便喺商場搵嘢食，原來一、二樓超多嘢食，今日揀咗間天婦羅店。之前喺灣仔食過一次覺得好好味，今次再encore。松葉蟹天丼期間限定，梗係食蟹啦，松葉蟹當造就最滋味了，有松葉蟹，海老，小柱魷魚天婦羅餅，莢豌豆，海苔同溫泉蛋，材料勁多勁豐富。松葉蟹有兩條，雖然唔算巨型，肉質鮮而嫩滑、仲有蟹膏配上自家製醬汁，份外滋味。海老固然之爽口彈牙，也有兩大條。提起醬汁，以我所知金子半之助採用日本特製高級胡麻油, 胡麻油製成的天婦羅芳香撲鼻及色澤會較深。迷你天丼跟稻庭烏冬（湯）其實迷你天丼份量都唔少，有菇菌、海老、南瓜、海苔、碗豆同溫泉蛋，跟一個烏冬，清清地，原來烏冬會附上一個八寶盒，可以自己挑選配料，仲有溫泉蛋喺入邊。凍冰冰最啱食湯烏冬暖笠笠。不得不提個丼碗也是迷你版的好趣緻，丼碗是運用了源自江戶時代的陶瓷工藝，佐賀有田燒來製作，碗底部份特意做成空心設計，為更能保持碗中食物的溫度，睇得又實用，果然犀利。