影片
更多
2018-12-15
381 瀏覽
呢一日咁啱出到尖沙咀，同想食海鮮嘅朋友掙扎咗好耐，究竟食西餐好定係日本嘢好， 結果猜完包剪揼之後，西餐嘅代表勝出，一於就去食西餐。同朋友上次試過呢間Chef Stage de Eddy Chu， 一直都對佢嘅seafood platter念念不忘， 一場嚟到就梗係唔可以唔試啦。呢個seafood platter好特別，除咗 有法國生蠔、 凍蝦、味噌帶子、鮑魚之外，仲有花螺。 中間仲多咗兩個醬汁，就係香草汁同埋冬陰功蜜糖芥末汁，睇見都流曬口水。凍蝦清甜爽口， 肉質彈牙，食落啖啖肉，而鮑魚就經醬汁調配，入口彈牙之餘，仲有少少甜甜地，食落好鮮味。來自法國嘅生蠔食落好重海水味，而且都幾大隻，每粒都好肥美，加上特別嘅香草醬同埋冬陰功蜜糖芥末汁，真係夠曬開胃，好想叫多半打蠔食。見到有唔少人都嗌呢兩杯嘅飲品，一問之下原來係新推出嘅推廣，左邊嘅係士多啤梨奶，右邊係老陳皮燉檸檬， 而且非常抵飲，每杯只係$19.9， 當然唔執輸，一於叫嚟試下啦。朋友飲嘅老陳皮燉檸檬非常暖胃，加上檸檬蜜糖酸酸甜甜，飲落好滋潤，有少少陳皮香味，係呢個冬天飲就最啱喇。我嗌嘅士多啤梨奶係新鮮打出嚟，飲落有士多啤梨嘅甜味，但又唔會
同朋友上次試過呢間Chef Stage de Eddy Chu， 一直都對佢嘅seafood platter念念不忘， 一場嚟到就梗係唔可以唔試啦。
呢個seafood platter好特別，除咗 有法國生蠔、 凍蝦、味噌帶子、鮑魚之外，仲有花螺。
中間仲多咗兩個醬汁，就係香草汁同埋冬陰功蜜糖芥末汁，睇見都流曬口水。
凍蝦清甜爽口， 肉質彈牙，食落啖啖肉，而鮑魚就經醬汁調配，入口彈牙之餘，仲有少少甜甜地，食落好鮮味。
來自法國嘅生蠔食落好重海水味，而且都幾大隻，每粒都好肥美，加上特別嘅香草醬同埋冬陰功蜜糖芥末汁，真係夠曬開胃，好想叫多半打蠔食。
見到有唔少人都嗌呢兩杯嘅飲品，一問之下原來係新推出嘅推廣，左邊嘅係士多啤梨奶，右邊係老陳皮燉檸檬， 而且非常抵飲，每杯只係$19.9， 當然唔執輸，一於叫嚟試下啦。
朋友飲嘅老陳皮燉檸檬非常暖胃，加上檸檬蜜糖酸酸甜甜，飲落好滋潤，有少少陳皮香味，係呢個冬天飲就最啱喇。
我嗌嘅士多啤梨奶係新鮮打出嚟，飲落有士多啤梨嘅甜味，但又唔會好甜，對於女仔嚟講，粉紅色真係一個好大嘅誘惑。
主菜來喇，朋友發板叫咗呢一個好特別嘅海鮮肉骨茶，平時一般嘅肉骨茶主要都係用豬肉， 真係好少見到有海鮮作為主打。
侍應先拎咗個爐嚟，幫我哋暖住個肉骨茶，慢慢咁樣滾起佢， 令到食嘅時候都保持熱辣辣嘅溫度， 加上胡椒味濃嘅湯底，真係夠曬暖身， 飲落個湯頭好清甜，亦帶有胡椒嘅香氣， 味道偏新加坡風嘅肉骨茶， 正合我嘅心意，因為我好怕啲肉骨茶太重藥材味，但呢一個就唔會， 反而係好鮮甜嘅海鮮味好出。
入邊嘅材料非常豐富，除左有拆咗骨嘅排骨肉， 亦有去骨豬手、鮑魚、大蜆、帆立貝、大蝦 等，更有一整條嘅沙巴龍躉，份量夠曬勁， 兩個人食絕對夠飽肚。
食落味道真係好香，而且海鮮亦唔會煮得太老，嫩滑得嚟好夠味。 真係好想叫一碗白飯，如果加埋油炸鬼就perfect喇！
食飽飽之後，掙扎咗一陣，決定食埋個甜品，因為見到隔離枱嘅客人叫嘅甜品好靚，令我都忍唔住要試下呢度嘅甜品。
果然冇令人失望，先講下我叫嘅蛋白檸檬批， 同一般嘅蛋白檸檬批好唔同，出面有唔少嘅檸檬批，表面會用火燒，燒到啲蛋白有啲焦香， 但呢一到就將蛋白打成泡泡， 食落非常綿滑， 加埋底下酸酸甜甜嘅檸檬口感好清新。
而側邊仲有一小杯Tiramisu，一邊係酸甜清新，一邊係香醇濃郁， 對於貪心嘅我嚟講，呢個絕對係雙重享受。
至於朋友就叫咗一個蜜桃雪葩， 平時雪芭通常係一杯杯，估唔到呢度嘅雪葩竟然係將一個完整嘅新鮮生果，雪成冰作為器皿。
入邊就係新鮮果肉打成嘅雪芭， 桃味好香好甜， 對於食得咁飽嘅我哋嚟講絕對係好refreshing， 食完雪芭仲可以食埋個桃添！
張貼
