影片
更多
2025-04-14
74 瀏覽
《癡膠雞 - 太子》熟我既人都知道我喜歡食米線同一啲濕濕地既野😉除左酸辣米線之外，其實我仲有一個成日去食既花膠雞湯米線飯堂的🤫特別係冬天凍冰冰既日子我真係每個星期都最少食一次的🤭呢度最正嘅係佢會用一個鐵鍋再用火heat住個鍋，個花膠雞係分湯上仲要一上到枱熱辣辣，確保由頭食到落尾都仲係保持到個溫度😍而且真材實料，每次食招牌花膠雞湯都最少有五六件花膠，平均都係$66一碗包埋粉麵💪🏻就算有陣時唔想食澱粉，我都會就咁叫一個湯走米線，飲完成碗湯都唔會覺得口乾😉係我私心推介嘅一間平民飯堂今日同屋企人又去咗呢度食晚餐，5點鐘左右去唔使排隊直入，兩個人叫咗兩款雞湯同埋一個小食綿飲品$200唔使，但就食到好飽好滿足😌💁🏻♀️麻辣豬耳 $38呢個豬耳啱晒啲唔食得辣但又想食香口野嘅人食，豬耳爽口彈牙唔會有臊味，個辣椒油係香辣果一種，小小麻嘅感覺，整得幾入味🤭好想送啤酒💁🏻♀️蕃茄花膠雞濃湯上海麵 $68 +$12配鹹檸七其實我都係第一次蕃茄花膠雞湯，冇想像中咁濃郁嘅蕃茄味，因為個雞味真係好突出，但係你又食到少少酸酸甜甜嘅感覺，有好多新鮮蕃茄肉同埋雞件，花膠都有五六件，屋企人今次配比較掛湯嘅上海麵，比起米線更
熟我既人都知道我喜歡食米線同一啲濕濕地既野😉除左酸辣米線之外，其實我仲有一個成日去食既花膠雞湯米線飯堂的🤫特別係冬天凍冰冰既日子我真係每個星期都最少食一次的🤭呢度最正嘅係佢會用一個鐵鍋再用火heat住個鍋，個花膠雞係分湯上仲要一上到枱熱辣辣，確保由頭食到落尾都仲係保持到個溫度😍而且真材實料，每次食招牌花膠雞湯都最少有五六件花膠，平均都係$66一碗包埋粉麵💪🏻就算有陣時唔想食澱粉，我都會就咁叫一個湯走米線，飲完成碗湯都唔會覺得口乾😉係我私心推介嘅一間平民飯堂
今日同屋企人又去咗呢度食晚餐，5點鐘左右去唔使排隊直入，兩個人叫咗兩款雞湯同埋一個小食綿飲品$200唔使，但就食到好飽好滿足😌
💁🏻♀️麻辣豬耳 $38
呢個豬耳啱晒啲唔食得辣但又想食香口野嘅人食，豬耳爽口彈牙唔會有臊味，個辣椒油係香辣果一種，小小麻嘅感覺，整得幾入味🤭好想送啤酒
💁🏻♀️蕃茄花膠雞濃湯上海麵 $68 +$12配鹹檸七
其實我都係第一次蕃茄花膠雞湯，冇想像中咁濃郁嘅蕃茄味，因為個雞味真係好突出，但係你又食到少少酸酸甜甜嘅感覺，有好多新鮮蕃茄肉同埋雞件，花膠都有五六件，屋企人今次配比較掛湯嘅上海麵，比起米線更飽肚
💁🏻♀️椰子雞濃湯薯粉 $60 +$6 配凍檸茶
基本上我每次嚟食都係椰子雞，又或者招牌花膠雞，但係椰子雞濃湯一定係我嘅最愛❤️如果你鍾意濃厚椰奶嗰種感覺就一定會喜歡呢一個椰子雞湯，唔係大陸嗰隻椰子水嘅椰子雞，而係椰奶配上雞湯嗰種香滑嘅感覺❤️超級好食，雞件件件都好滑好入味，仲配咗紅棗、木耳等嘅配菜，我就最鍾意配紅薯粉啦，加$6仲可以配埋凍飲添
張貼
