影片
更多
2023-06-02
605 瀏覽
好耐好耐冇去赤柱 ，今日趁住天氣好， 冇落雨， 同honey 拍拖拖去赤柱一遊， 坐巴士去赤柱 ，沿途風光秀麗 ，藍天碧海 ，真是好日子。 去到赤柱第一個節目就係搵食 ，喺赤柱大街有一棟黃色嘅建築物 ，聽講係歷史文物 ，受保護的 。而家係一間西餐廳 ，有個笑容甜美嘅英文姐姐喺門口招呼客人。 見到餐牌啲嘢都啱食， 仲有honey鍾意嘅檸檬撻， 於是就坐低一試。受保護歷史文物 ，果然係古老格調， 餐廳白色主調 ，有條彎彎曲曲嘅樓梯轉上二樓三樓， 餐廳有室內室外部分 ，全部都靚海景 ，室內有火爐同埋古老風扇裝飾， 藤椅欄柵，好不典雅。中午套餐有多個選擇， 我同honey都係食肉獸， 兩個都揀牛扒， 我要沙律， honey要湯 ，個套餐仲包甜品飲品， 好豐富。沙律同湯一齊上， 兩樣都好大份， 沙律係吞拿魚沙律， 有沙律菜，青瓜，車厘茄，彩椒同埋吞拿魚， 用咗啲柚子醋調味，非常開胃 。honey個南瓜甘筍湯都好好味， 我哋share食， 分甘同味。主菜係炭燒西冷扒配沙律菜薯條 ，塊西冷扒仲大過我塊面 ，燒到燶燶地， 好香， 切開仲有少少粉紅色， 燒得啱啱好。 配燒汁 ，超好味 。啲薯條新鮮炸起
去到赤柱第一個節目就係搵食 ，喺赤柱大街有一棟黃色嘅建築物 ，聽講係歷史文物 ，受保護的 。而家係一間西餐廳 ，有個笑容甜美嘅英文姐姐喺門口招呼客人。 見到餐牌啲嘢都啱食， 仲有honey鍾意嘅檸檬撻， 於是就坐低一試。
39 瀏覽
0 讚好
0 留言
受保護歷史文物 ，果然係古老格調， 餐廳白色主調 ，有條彎彎曲曲嘅樓梯轉上二樓三樓， 餐廳有室內室外部分 ，全部都靚海景 ，室內有火爐同埋古老風扇裝飾， 藤椅欄柵，好不典雅。
中午套餐有多個選擇， 我同honey都係食肉獸， 兩個都揀牛扒， 我要沙律， honey要湯 ，個套餐仲包甜品飲品， 好豐富。
沙律同湯一齊上， 兩樣都好大份， 沙律係吞拿魚沙律， 有沙律菜，青瓜，車厘茄，彩椒同埋吞拿魚， 用咗啲柚子醋調味，非常開胃 。honey個南瓜甘筍湯都好好味， 我哋share食， 分甘同味。
主菜係炭燒西冷扒配沙律菜薯條 ，塊西冷扒仲大過我塊面 ，燒到燶燶地， 好香， 切開仲有少少粉紅色， 燒得啱啱好。 配燒汁 ，超好味 。啲薯條新鮮炸起 ，大大條 ，點茄汁啱曬 。估唔到喺 遊客區都有咁抵食嘅套餐。 食完主菜， 就到我鍾意嘅咖啡同埋honey鍾意嘅甜品上枱， 原來個檸檬撻整得好好味， 酸酸甜甜， 清香檸檬味， honey超鍾意。 我就特別鍾意佢杯咖啡，超大杯好香好濃，坐喺靚海景嘅餐廳入面嘆返杯咖啡，真係好享受 ，以後要嚟多啲，享受下人生。
張貼
