日山 (海運大廈)

營業中

休息中

之前經過餐廳門口，已經比佢條綠蔭長走廊吸引住，今日行開LCX試下walk in有冇位。職員幫我地打電話問下reserved 的客人會唔會cancel, 仲好好彩有window seat 比我地😍Lunch set menu包左前菜、飯、漬物、麵豉湯和甜品。先食前菜梅酒蕃茄啫喱，清甜可口，淡淡的梅酒香激發起味蕾。菠菜沙律和茶碗蒸不過不失😋來到壽喜燒店，當然要食壽喜燒啦⋯⋯今日和牛選自宮崎縣A5級肩胛部位，油花好靚，份量有約100g。影完相店員會拎返入去煮，而唔係你面前煮，風味大減😅店員知道我地share食，分兩碗上枱。除左和牛，仲有粉絲、大蔥，伴以蛋汁，入口順滑😋另外叫左A5和牛扒，燒得外脆內軟，保持肉汁，都唔錯🥰順帶一提，跟餐的麵豉湯都好好飲，相對較為清淡，唔會好似出面果d太咸甜品有酸酸甜甜的柚子雪糕，中和一下和牛的油膩感👍🏻💟💗份量略嫌太少😌總結來講，餐廳的環境滿分💯對住無敵海景進食一定冇得輸。不過個人來講始終鍾情於小店，有師傅在你面前煮壽喜燒，有交流。